చిత్తుగా ఓడినా సంబరాలు చేసుకోవడానికి సిగ్గుండాలి: పాక్ మాజీ క్రికెటర్

ఇంగ్లండ్ పర్యటనలో చిత్తుగా ఓడిన తర్వాత కూడా పాకిస్థాన్ ఆటగాళ్లు సంబరాలు చేసుకోవడంపై ఆ దేశ మాజీ క్రికెటర్ వకార్ యూనిస్ ఆశ్చర్యం వ్యక్తం చేశాడు. ఓటమిని సెలెబ్రేట్ చేసుకునేందుకు సిగ్గుండాలని ఘాటుగా విమర్శించాడు. ముఖం దాచుకోని వెళ్లాల్సిన ఆటగాళ్లు సిగ్గు లేకుండా విమానాశ్రయాల్లో సంబరాలు చేసుకున్నారని అసహనం వ్యక్తం చేశాడు.

మూడు టెస్ట్‌ల సిరీస్ కోసం ఇంగ్లండ్ పర్యటనకు వెళ్లిన పాకిస్థాన్ దారుణంగా విఫలమైంది. మూడు టెస్ట్‌ల్లో చిత్తుగా ఓడి 0-3తో సిరీస్‌లో క్లీన్ స్వీప్ అయ్యింది. పాకిస్థాన్ క్రికెట్ చరిత్రలోనే ఇంగ్లండ్ గడ్డపై టెస్ట్ సిరీస్‌లో క్లీన్ స్వీప్ కావడం ఆ జట్టుకు ఇదే తొలిసారి. అయితే తొలి రెండు టెస్ట్‌ల్లో పాకిస్థాన్ కనీసం 200 పరుగులు కూడా చేయకపోవడంతో పీసీబీ కఠిన నిర్ణయం తీసుకుంది.

'పిల్లల ఆట చూసి ఏడవడం మన వంతైంది'.. వైభవ్‌ను చూసి ఏడుస్తున్న పాక్ స్టార్స్!

ఏడుగురిపై వేటు..

పాకిస్థాన్ హెడ్ కోచ్ సర్ఫరాజ్ అహ్మద్‌తో పాటు బౌలింగ్ కోచ్ ఉమర్ గుల్‌ను తప్పించింది. తాత్కలిక టెస్ట్ కోచ్‌గా వైట్‌బాల్ హెడ్ కోచ్ మైక్ హస్సెన్‌ను నియమించింది. అతని సూచనలతో జట్టులో 7 మంది ఆటగాళ్లపై వేటు వేసి కొత్త ఆటగాళ్లకు అవకాశం ఇచ్చింది. ఈ మార్పులు మెరుగైన ఫలితాన్నే ఇచ్చాయి. ఆఖరి టెస్ట్‌లో ఓడినా.. పాకిస్థాన్ మెరుగైన ప్రదర్శన చేసింది. ఈ మ్యాచ్‌ ద్వారా అరంగేట్ర చేసిన 21 ఏళ్ల రజావుల్లా ఆల్‌రౌండ్ ప్రదర్శనతో ఆకట్టుకున్నాడు.

బౌలింగ్‌లో 4 వికెట్లు తీసిన అతను.. తొమ్మిదో స్థానంలో బ్యాటింగ్‌కు వచ్చిన 9 సిక్స్‌లతో 63 బంతుల్లో 81 పరుగులు చేశాడు. దాంతో రజావుల్లాను పాకిస్థాన్ అభిమానులు వకార్ యూనిస్‌తో పోల్చుతూ సంబరాలు చేసుకున్నారు. ఈ క్రమంలోనే అతను స్వదేశానికి తిరిగి రాగా.. విమానాశ్రయంలో ఘన స్వాగతం పలికారు. రోడ్లపై భారీ ర్యాలీ నిర్వహించారు. ఈ సంబరాలపై వసీం అక్రమ్ ఘాటు వ్యాఖ్యలు చేశాడు.

చిత్తుగా ఓడినా.. సంబరాలా..?

'ప్రపంచంలోనే అత్యుత్తమ కోచ్‌ల పర్యవేక్షణలో కూడా పాకిస్థాన్ ఆటతీరు మారడం లేదు. ఇంగ్లండ్ చేతిలో కేవలం ఓడిపోలేదు.. చిత్తుగా ఓడారు. ఆఖరి టెస్ట్‌లో రజావుల్లా బాగానే ఆడాడు. కానీ అతను ఇస్లామాబాద్ చేరగానే 5 వేల మంది అతనికి స్వాగతం పలికారు. పూలమాలలు, బొకేలతో సత్కరించారు.

Also Read

బాబర్ ఆజామ్.. పల్లీ, బఠానీలు అమ్ముకోవడానికి వెళ్లావా?

ఇంతటి ఘోర పరాభావం తర్వాత జట్టు స్వదేశం వచ్చినప్పుడు సంబరాలు ఎలా చేసుకుంటారు. రజావుల్లా కాస్త నీ ముఖం దాచుకోవాల్సింది. ఇంటికి వెళ్లాక అక్కడ సంబరాలు చేసుకోవాల్సింది. పాకిస్థాన్ ఆటగాళ్ల మైండ్ సెట్ ఎలా ఉంటుందో ఈ ఘటన స్పష్టం చేస్తోంది. జట్టు ప్రదర్శన ఎంత దిగజారినా.. మనకి మాత్రం సంబరాలు చేసుకోవడం అలవాటైపోయిందనే విషయాన్ని తెలియజేస్తోంది.'అని వసీం అక్రమ్ అసహనం వ్యక్తం చేశాడు.