విరాట్ విధ్వంసం చూసి నోరెళ్లబెట్టిన పాకిస్థానీలు.. మాజీ స్టార్ కామెంట్స్ వైరల్!

తిరువనంతపురంలోని గ్రీన్‌ఫీల్డ్ అంతర్జాతీయ స్టేడియం వేదికగా జరిగిన తొలి వన్డేలో భారత స్టార్ బ్యాటర్ విరాట్ కోహ్లీ ఆకాశమే హద్దుగా చెలరేగిపోయాడు. స్టేడియం నలువైపులా ఫోర్లు, సిక్సర్ల వర్షం కురిపిస్తూ ప్రత్యర్థి బౌలర్లకు చుక్కలు చూపించాడు. వరల్డ్ కప్‌కు ముందు విరాట్ కోహ్లీ ప్రదర్శించిన ఈ విస్పోటక, శక్తివంతమైన ఇన్నింగ్స్ ఇండియాలోనే కాకుండా పొరుగున ఉన్న పాకిస్తాన్‌లో కూడా తీవ్ర ప్రకంపనలు సృష్టిస్తోంది.

IND vs AFG: మ్యాచ్ రద్దు.. సెమీస్‌లో అడుగుపెట్టిన టీమిండియా

పాక్ మాజీ క్రికెటర్ కమ్రాన్ అక్మల్ ప్రశంసల వర్షం
విరాట్ కోహ్లీ విధ్వంసంపై పాకిస్తాన్ మాజీ వికెట్ కీపర్-బ్యాటర్ కమ్రాన్ అక్మల్ విశేషంగా స్పందించారు. విరాట్ కోహ్లీలో ఉన్న అసమాన ఫిట్‌నెస్, మ్యాచ్ గమనాన్ని క్షణాల్లో మార్చేసే సామర్థ్యం కళ్లు చెదిరేలా ఉన్నాయని కొనియాడారు. మారుతున్న ఆధునికి క్రికెట్ యుగానికి అనుగుణంగా తన ఆటతీరును నిరంతరం మెరుగుపరుచుకోవడం, ప్రతి పరిస్థితికి తగినట్లుగా సర్దుకుపోవడమే విరాట్ కోహ్లీ గొప్ప బలమని కమ్రాన్ అక్మల్ పేర్కొన్నారు.

ఏ ఒక్క జోన్‌కే పరిమితం కాని శైలి
విరాట్ కోహ్లీ ఆటతీరును విశ్లేషిస్తూ.. ఆయన ఏ ఒక్క నిర్దిష్ట జోన్‌లోనూ ఇరుక్కుపోడని కమ్రాన్ అక్మల్ వ్యాఖ్యానించారు. కెరీర్ ప్రారంభంలో ఆడిన శైలికి, ఇప్పటికీ కోహ్లీ ఆటతీరులో ఎంతో తేడా ఉందన్నారు. నిరంతరం నేర్చుకుంటూ తన నైపుణ్యాలను అప్ డేట్ చేసుకోవడం వల్లే కోహ్లీ అగ్రస్థానంలో కొనసాగుతున్నాడని, ఆయన ఫిట్‌నెస్, ఆటపై ఉన్న అవగాహన నేటితరం యువ క్రీడాకారులకు గొప్ప ఉదాహరణ అని కమ్రాన్ అక్మల్ వివరించారు.

Also Read

అంతా వారి వల్లే.. ఓటమికి కారణం ఇదే: వెస్టిండీస్ కెప్టెన్

సెంచరీ సునామీ.. 15,000 పరుగుల రికార్డు
ఈ మ్యాచ్‌లో విరాట్ కోహ్లీ కేవలం 88 బంతుల్లోనే 10 ఫోర్లు, 9 సిక్సర్ల సాయంతో అజేయంగా 139 పరుగులు సాధించి భారత్ కు ఘనవిజయాన్ని అందించాడు. ఈ క్రమంలో వన్డేల్లో తన 55వ సెంచరీని పూర్తి చేయడమే కాకుండా వన్డే క్రికెట్ చరిత్రలోనే అత్యంత వేగంగా 15,000 పరుగులు పూర్తి చేసిన ఆటగాడిగా సరికొత్త మైలురాయిని స్థాపించి ప్రపంచ రికార్డును తన పేరిట లిఖించుకున్నాడు.