ధోనీకి దొరికితే స్టోక్స్ కెరీర్ ముగిసినట్టే: శ్రీశాంత్

ధోనీ చేతిలో బలికాక తప్పదు..

‘భవిష్యత్తులో ధోనీకి స్టోక్స్ తారసపడవద్దని నేను కోరుకుంటున్నా. ఎందుకంటే అతనిపై స్టోక్స్ చేసిన కామెంట్స్‌ను ధోనీ మరిచిపోడు. అంతకంతకు బదులు తీర్చుకుంటాడు. ఐపీఎల్‌లో కానీ.. లేక భారత్-ఇంగ్లండ్ మ్యాచ్‌లో ధోనీ చేతిలో స్టోక్స్ బలవ్వకుండా ఉండాలని, మహీని ఎదుర్కునే ధైర్యం ఇవ్వాలని కోరుకుంటున్నా. అతను భారీ మూల్యం చెల్లించుకుంటాడు. అతని బౌలింగ్‌ను ధోనీ చీల్చి చెండాడుతాడు. స్టోక్స్ బెస్ట్ ఆల్‌రౌండర్ కావచ్చు. కానీ ధోనీని మాత్రం అతను ఔట్ చేయలేడు.'అని శ్రీశాంత్ తెలిపాడు.

బ్రదర్.. బదులివ్వాలనుకుంటున్నా..

ఇక స్టోక్స్‌కు తాను చెప్పేది ఒక్కటేనని.. ‘నువ్వు గత 4-5 ఏళ్లుగా క్రికెట్ ఆడుతున్నావ్. నేను మాత్రం ఆడటం లేదు. కానీ నీకు బౌలింగ్ చేసేందుకు నేను ఊత్సాహంగా ఉన్నా బ్రదర్. ధోనీ గురించి నీవు చేసిన వ్యాఖ్యలకు బదులివ్వాలనుకుంటున్నా.'అని స్టోక్స్‌కు శ్రీశాంత్ వార్నింగ్ ఇచ్చాడు.

అరే.. మీకు సిగ్గు, శరం ఉందా?.. #VirushkaDivorce ట్యాగ్ ట్రెండింగ్‌పై నెటిజన్ల ఫైర్!

టెస్ట్ ఫార్మాట్ అంటే ఇష్టం..

క్రికెట్‌లో తనకు టెస్ట్ ఫార్మాట్ అంటే ఇష్టమని శ్రీశాంత్ చెప్పుకొచ్చాడు. భవిష్యత్తులో క్రికెట్ అకాడమీ పెట్టి పేద పిల్లలను అంతర్జాతీయ క్రికెటర్లుగా తీర్చదిద్దాలనేదే తన కలని మనసులోని మాట బయటపెట్టాడు. ఈ లైవ్ సెషన్ సందర్భంగా నాగినీ డ్యాన్స్‌తో పాటు బుట్టబొమ్మా సాంగ్‌కు చిందేశాడు. తన తండ్రి తన ఫేవరేట్ అని చెప్పుకొచ్చిన శ్రీశాంత్.. బౌలింగ్‌లో డెనిస్ లిల్లీ, అలన్ డొనాల్డ్ ఇన్సిపిరేషన్ అని తెలిపాడు. టీ20ల్లో డబుల్ సెంచరీ చేసే సత్తా రోహిత్, విరాట్‌లకు ఉందని చెప్పుకొచ్చాడు.

నీ సిక్స‌ర్ల మాదిరిగా సినిమా ఉంటుంది..

మైదానంలో తన స్పిన్‌తో అలరించిన టీమిండియా వెటరన్ స్పిన్నర్ హర్భజన్ సింగ్.. వెండితెరపై తన అదృష్టాన్ని పరీక్షించుకోబోతున్న విషయం తెలిసిందే. తమిళ చిత్రం ‘ఫ్రెండ్‌షిప్‌' ద్వారా ఆయన హీరోగా అరంగేట్రం చేస్తున్నారు. తమిళ బిగ్‌బాస్‌ ఫేమ్‌ లోస్లియా మరియ నేసన్‌ కథానాయిక. జాన్‌పాల్‌రాజ్‌, శ్యామ్‌ సూర్య దర్శకులు. తెలుగు, హిందీ, తమిళ్‌, ఇంగ్లీష్‌ భాషల్లో విడుదల కానున్న ఈ సినిమాలో యాక్షన్‌కింగ్‌ అర్జున్‌, తమిళ నటుడు సతీష్‌ కీలక పాత్రల్లో నటిస్తున్నారు. ఈ సినిమా ఫస్ట్‌లుక్‌, మోషన్‌పోస్టర్‌ను రీసెంట్‌గా విడుద‌ల చేశారు. ఈ మూవీ ఫస్ట్‌లుక్ పై శ్రీశాంత్ ప్రశంసల జల్లు కురిపించాడు. ‘ఆల్ ది వెరీ బెస్ట్ భ‌జ్జీపా.. మూవీ పోస్ట‌ర్ అద్భుతంగా ఉంది. నీ సిక్స‌ర్ల మాదిరిగా ఈ సినిమా త‌ప్ప‌క భారీ విజ‌యం సాధిస్తుంద‌ని నేను న‌మ్ముతున్నాను. చిత్ర బృందానికి నా శుభాకాంక్ష‌లు' అని శ్రీశాంత్ ట్వీట్ చేశాడు.

ధోనీ మాస్టర్ మైండ్.. వివాదాస్పద రీతిలో ఇయాన్ బెల్ రనౌట్! మహీని కొనియాడిన బ్రిటీష్ మీడియా!