హ్యాపీ బర్త్‌ డే దాదా.. విషెస్‌తో ట్విటర్‌ను ఊపేస్తున్న ఫ్యాన్స్, క్రికెటర్స్

ఆ దేవుడి ఆశీస్సులు మీకుండాలి..

‘జన్మదిన శుభాకాంక్షలు దాదా. మన బంధం మైదానంలో మన పరుగుల భాగస్వామ్యంలా కొనసాగాలి. నీవు మరిన్ని విజయాలందుకోవాలి'-సచిన్

‘హ్యాపీ బర్త్ డే దాదా.. ఆ దేవుడి ఆశీస్సులు మీకుండాలి'-విరాట్ కోహ్లీ

‘దాదాకు జన్మదిన శుభాకాంక్షలు. స్పిన్నర్ల బౌలింగ్‌లో సిక్స్ కొట్టి చిందేసినప్పుడే అతని కనురెప్పలు కొట్టుకునేవి. కెరీర్ ప్రారంభంలో అతను ఇచ్చిన మద్దతు చాలా గొప్పది'-సెహ్వాగ్

‘హ్యాపీ బర్త్ డే దాదా.. మీ భవిష్యత్తు ఇంకా బాగుండాలి'-హర్భజన్ సింగ్

తిరుగులేని దాదాకు..

‘భారత క్రికెట్‌లో తిరుగలేని దాదాకు జన్మదిన శుభాకాంక్షలు. ఎప్పుడూ ముందుండి నిజమైన నాయకుడంటే ఎంటో చూపించారు. మీ నుంచి ఎన్నో విషయాలు నేర్చుకున్నా. నాలానే ఇతరులు కూడా మిమ్మల్ని ఇష్టపడాలనుకుంటున్నా. మీరే మా శాశ్వత కెప్టెన్'- యువరాజ్ సింగ్

‘గంగూలీ మీరు ఇలాంటి రోజులు మరిన్ని జరుపుకోవాలి. మరిన్ని విజయాలతో మరింత మంది ప్రేమను గెలుచుకోవాలని, ఈ ఏడాదంత మంచే జరగాలని మనస్పూర్తిగా కోరుకుంటున్నా.'-వీవీఎస్ లక్ష్మణ్

మంచి బ్యాట్స్‌మన్ నుంచి అద్బుత కెప్టెన్ వరకు.. ఇప్పుడు భారత క్రికెట్‌నే శాసిస్తున్న నా ఫేవరేట్ కెప్టెన్, మెంటార్ సౌరవ్ గంగూలీకి జన్మదిన శుభాకాంక్షలు-మహ్మద్ కైఫ్

విప్లవం తెచ్చిన వీరుడు..

‘భారత క్రికెట్‌లోనే ఓ విప్లవం తెచ్చిన వీరుడు దాదాకు జన్మదిన శుభాకాంక్షలు. ఆటగాడిగా, కెప్టెన్‌గా క్రికెట్‌కు దాదా అందించిన రాబోయే తరాల వారు మెచ్చుకోకుండా ఉండలేరు. జీవితంలో మరిన్ని విజయాలందుకోవాలి'-సురేశ్ రైనా

‘భయంలేని ఆటగాడు.. భారత క్రికెట్‌ను మరో స్థాయికి చేర్చిన దాదాకు హ్యాపీ బర్త్‌డే'-కేఎల్ రాహుల్

హ్యాపీ బర్త్‌డే సౌరవ్ సర్.. ఆయురారోగ్యాలతో పాటు సంతోషంగా ఉండాలి-చహల్

‘భారత దిగ్గజ క్రికెటర్ దాదాకు జన్మదిన శుభాకాంక్షలు. నీ సారథ్యంలో ఎంతో మంది ఆటగాళ్లను భయం లేకుండా దూకుడగా ఆడేలా తీర్చిదిద్దావ్'-కుల్దీప్

భారత్ తెగింపుని క్రికెట్ ప్రపంచానికి చాటిన కెప్టెన్.. హ్యాపీ బ‌ర్త్‌డే దాదా!!