న్యూజిలాండ్ సిరీస్‌కు ముందు‌ బిగ్ షాక్!

న్యూజిలాండ్ జట్టుతో త్వరలో జరగబోయే కీలకమైన టెస్ట్ సిరీస్‌కు ముందు టీమిండియా కెప్టెన్ శుభ్‌మన్ గిల్ ఘోరంగా విఫలమయ్యాడు. రెడ్ బాల్ క్రికెట్లో మంచి ప్రాక్టీస్ సాధించేందుకు రంజీ ట్రోఫీ బరిలోకి దిగిన శుభ్‌మన్ గిల్.. పంజాబ్ తరఫున ఛత్తీస్‌గఢ్‌తో జరగుతున్న మ్యాచ్‌లో కేవలం ఒక్క పరుగు మాత్రమే చేసి పెవిలియన్ చేరాడు. న్యూ చండీగఢ్‌లోని పీసీఏ ఇంటర్నేషనల్ క్రికెట్ స్టేడియంలో జరుగుతున్న ఈ ఎలైట్ గ్రూప్-బీ పోరులో శుభ్‌మన్ గిల్ సింగిల్ డిజిట్‌కే ఔట్ కావడం అభిమానులను తీవ్ర నిరాశకు గురిచేసింది.

IND vs WI: ఇషాన్ కిషన్ ఊచకోత బుగ్గిపాలు.. ఆఖరి టీ20 రద్దు!

అస్సాంతో జరిగిన పంజాబ్ తొలి రంజీ మ్యాచ్‌కు దూరంగా ఉన్న శుభ్‌మన్ గిల్.. ఛత్తీస్‌గఢ్‌తో మ్యాచ్‌లో నాలుగో స్థానంలో బ్యాటింగ్‌కు వచ్చాడు. అయితే క్రీజులో నిలదొక్కుకునేందుకు తీవ్రంగా శ్రమించిన శుభ్‌మన్ గిల్.. కేవలం 5 బంతులు మాత్రమే ఎదుర్కొని లెఫ్టార్మ్ స్పిన్నర్ అజయ్ మండల్ బౌలింగ్‌లో పెవిలియన్ బాటపడ్డాడు. శుభ్‌మన్ గిల్ త్వరగా ఔట్ కావడంతో పంజాబ్ జట్టు తొలి ఇన్నింగ్స్‌లోనే తీవ్ర ఒత్తిడిలో పడిపోయింది. శుభ్‌మన్ గిల్ ఔటైన తీరు వచ్చే సిరీస్‌పై ప్రభావం చూపుతుందేమోనని అభిమానులు ఆందోళన వ్యక్తం చేస్తున్నారు.

భారత్-న్యూజిలాండ్ జట్ల మధ్య నవంబర్ 19 నుంచి రెండు మ్యాచుల టెస్ట్ సిరీస్ ప్రారంభం కానుంది. తొలి టెస్ట్ వెల్లింగ్టన్ వేదికగా జరగనుండగా.. రెండో టెస్ట్ నవంబర్ 27 నుంచి క్రైస్ట్ చర్చ్‌లో జరగనుంది. వరల్డ్ టెస్ట్ ఛాంపియన్ షిప్ ఫైనల్ రేసు దృష్ట్యా ఈ సిరీస్ భారత్‌కు ఎంతో కీలకం. అంతర్జాతీయ పర్యటనకు వెళ్లే ముందు సుదీర్ఘంగా బ్యాటింగ్ ప్రాక్టీస్ చేయాలన్న శుభ్‌మన్ గిల్ ఆలోచనకు ఈ రంజీ ఇన్నింగ్స్ గట్టి షాక్ ఇచ్చిందనే చెప్పాలి.

Also Read

6, 4, 6, 1, 6: వాన రాకపోయి ఉంటే.. వెస్టిండీస్ బౌలర్ల పని ఖతమే!

ఈ మ్యాచ్‌లో విఫలమైనప్పటికీ అంతర్జాతీయ క్రికెట్లో శుభ్‌మన్ గిల్ రికార్డులు అద్భుతంగా ఉన్నాయి. టెస్టుల్లో ఇప్పటివరకు 43 మ్యాచుల్లో 77 ఇన్నింగ్స్ ఆడిన శుభ్‌మన్ గిల్ 43.47 సగటుతో 3043 పరుగులు చేశాడు. ఇందులో 11 సెంచరీలు, 9 హాఫ్ సెంచరీలు ఉన్నాయి. అత్యధిక స్కోరు 269 పరుగులు కావడం విశేషం. ఇక వన్డేల్లో శుభ్‌మన్ గిల్ రికార్డు మరింత గొప్పగా ఉంది. 70 వన్డేల్లో 64.01 సగటుతో రెండు డబుల్ సెంచరీలతో కలిపి 3713 పరుగులు సాధించాడు. రంజీల్లో నిరాశపరిచినా, రాబోయే కివీస్ సిరీస్‌లో శుభ్‌మన్ గిల్ మళ్లీ ఫామ్‌లోకి వస్తాడని జట్టు యాజమాన్యం ఆశిస్తోంది.