షోయబ్ మాలిక్, మహమ్మద్ హఫీజ్‌లకు పాకిస్థాన్ బోర్డు మొండిచెయ్యి

Shoaib Malik, Mohammad Hafeez dropped from PCB central contracts

హైదరాబాద్: పాకిస్థాన్ జట్టు మాజీ కెప్టెన్లు షోయబ్ మాలిక్, మహమ్మద్ హఫీజ్‌లకు పాకిస్థాన్ క్రికెట్ బోర్డు మొండిచెయ్యి చూపించింది. 2019-20 సీజన్‌కు సంబంధించి ప్రకటించిన సెంట్రల్ కాంట్రాక్టు ఆటగాళ్ల జాబితా నుంచి ఈ ఇద్దరు క్రికెటర్లను పాకిస్థాన్ క్రికెట్ బోర్డు (పీసీబీ) తప్పించింది.

ఇక, ప్రస్తుత కెప్టెన్ సర్ఫరాజ్ అహ్మద్, బ్యాట్స్‌మన్ బాబర్ అజాం, లెగ్ స్పిన్నర్ యాసిర్ షా తన కేటగిరీ ఏ కాంట్రాక్టుని తిరిగి దక్కించుకున్నారు. టెస్టు ఓపెనర్ అజర్ అలీ, ఇటీవలే టెస్టు క్రికెట్‌కు వీడ్కోలు పలికిన లెప్ట్ ఆర్మ్ పేసర్ మహ్మద్ ఆమీర్‌లను కేటగిరీ B, Cలలోకి చేర్చింది.

సెంట్రల్ కాంట్రాక్టు ఆటగాళ్ల జాబితా కుదింపు

అంతేకాదు గతంలో ఉన్న సెంట్రల్ కాంట్రాక్టు ఆటగాళ్ల జాబితాను కూడా కుదించింది. గతంలో ఆటగాళ్ల సంఖ్య 33 కాగా, ఇప్పుడు దానిని 19కి కుదించింది. ఈ సీజన్‌లో పాకిస్థాన్ పురుషుల జట్టు 6 వరల్డ్ టెస్టు ఛాంపియన్ టెస్టుల, 3 వన్డేలు, 9 టీ20లు ఆడనుంది.

ఆర్చర్‌ విజృంభణ: ఆరు వికెట్లు, సెంచరీ.. యాషెస్‌ రెండో టెస్టులో చోటు?

పాక్‌కు ప్రాతినిధ్యం వహించే ఫార్మాట్లను పరిగణనలోకి

ఇదిలా ఉంటే ఆటగాళ్ల సెంట్రల్ కాంట్రాక్టుపై పీసీబీ బోర్డు మీడియాతో "సెంట్రల్ కాంట్రాక్టు ఒప్పందాలను ఖరారు చేసే క్రమంలో 1 ఆగస్టు 2019 నుండి 2020 జూన్ 30 వరకు ఆటగాళ్ల ప్రదర్శన.. గత 12 నెలల్లో ఆటగాళ్ల ఫిట్‌నెస్ మరియు రాబోయే సీజన్‌లో వారు పాక్‌కు ప్రాతినిధ్యం వహించే ఫార్మాట్లను పరిగణనలోకి తీసుకున్నాం" అని పేర్కొంది.