అప్పుడు ఫామ్‌లో ఉన్నా సెలెక్ట్ చేయలేదు: పార్దివ్ పటేల్

చాలా నిరాశకు గురయ్యా..

‘సరైన సమయంలో జట్టులో చోటు దక్కించుకోవడం చాలా ముఖ్యం. 2008 ఆస్ట్రేలియా ‌టూర్‌కు జట్టును ఎంపిక చేసే సమయంలో తొలి వికెట్ కీపర్​గా ధోనీ తన స్థానాన్ని పదిలం చేసుకోవడంతో నేను రెండో వికెట్ కీపర్ స్థానానికి పోటీలో నిలిచా. అయితే ఆ సమయంలో ఎంపిక కాకపోవడంతో తీవ్ర నిరాశకు గురయ్యా. అప్పటి చీఫ్ సెలెక్టర్ దిలీప్ వెంగ్​సర్కార్.. ​నాకు కాల్ చేసి.. నువ్వు మంచి ప్రదర్శన చేస్తున్నావు.. ఇలాగే కొనసాగించు అన్నారు. ఆ తర్వాత ఆస్ట్రేలియా పర్యటన కోసం నిన్ను ఎంపిక చేయడం లేదని పేర్కొన్నారని ' పార్థివ్ తెలిపాడు.

నా ఫేవరేట్ హీరో ప్రభాస్: స్టార్ క్రికెటర్

వివాదాల సిరీస్ భారత్ ఓటమి..

ఇక ఈ టూర్‌లో భారత్ 1-2 తేడాతో ఆతిథ్య జట్టు చేతిలో ఓడి సిరీస్ సమర్పించుకుంది. అయితే ఈ సిరీస్‌ మొత్తం వివాదాలతోనే జరిగింది. సిడ్నీ వేదికగా జరిగిన రెండో టెస్టులో హర్బజన్‌ సింగ్‌, ఆండ్రూ సైమండ్స్‌ల మధ్య చోటుచేసుకున్న మంకీ గేట్‌ వివాదం తీవ్ర దుమారం రేపింది.

ఆ రికార్డు పార్థీవ్‌దే..

2002లో టీమిండియా తరఫున అరంగేట్రం చేసిన పార్థివ్ పటేల్ తన కెరీర్‌లో 25 టెస్టులు, 38 వన్డేలు ఆడాడు. అంతర్జాతీయ మ్యాచ్ బరిలోకి దిగిన పిన్న వికెట్ కీపర్‌గా (17ఏండ్ల 153రోజులు) రికార్డు సృష్టించాడు. అంతకు ముందు ఈ రికార్డు పాకిస్తాన్‌ వికెట్‌ కీపర్‌ హనీఫ్‌ మహ్మద్‌(17 ఏళ్ల 300 రోజులు) పేరిట ఉండేది. దీన్ని పార్థీవ్ అధిగమించాడు.