రోహిత్ గాయమే కోహ్లీసేన కొంప ముంచింది: న్యూజిలాండ్ పేసర్

స్వియ నిర్భంధంలో మెక్ క్లనఘన్..

ఇక న్యూజిలాండ్‌కి చెందిన మిచెల్ మెక్ క్లనఘన్ ఇటీవల పాకిస్థాన్‌ సూపర్ లీగ్‌లో ఆడి స్వదేశానికి వెళ్లాడు. అయితే.. కరోనా వైరస్ వ్యాప్తి నేపథ్యంలో.. అన్ని దేశాల ప్రభుత్వాలు.. విదేశాల నుంచి వచ్చిన వారు 14 రోజుల పాటు స్వియ నిర్భంధంలో ఉండాలని ఆదేశించాయి. దీంతో.. ప్రస్తుతం సెల్ఫ్ ఐసోలేషన్‌లో మిచెల్ మెక్ క్లనఘన్ ఉన్నాడు. వాస్తవానికి పాక్ నుంచి స్వదేశానికి వచ్చే ముందే పాకిస్థాన్ క్రికెట్ బోర్డు.. మెక్లనగాన్‌ కరోనా వైరస్ పరీక్షలు నిర్వహించగా అందులో నెగటివ్ వచ్చింది.

భేష్ వార్న్.. నువ్వు మా క్రికెటర్లలా కాదులే!!

#AskMitch session ఆసక్తికర ఆన్సర్స్..

ఇక ఇంటికే పరిమితమైన ఈ ముంబై ఇండియన్స్ పేసర్ శనివారం తన ట్విటర్ అకౌంట్‌లో #AskMitch session నిర్వహించాడు. అభిమానులు అడిగిన పలు ఆసక్తికరప్రశ్నలకు సమాధానం ఇచ్చాడు. ఈ సెషన్‌లో భాగంగా ఓ భారత అభిమాని న్యూజిలాండ్ గడ్డపై భారత ఓటమికి రోహిత్ శర్మ లేకపోవడమే కారణమా? అని ప్రశ్నించాడు. దీనికి మెక్ క్లెనఘన్ కూడా అవుననే సమాధానమిచ్చాడు. మరో యూజర్ రోహిత్‌లో స్పూర్తినిచ్చే అంశం ఏంటని అడగ్గా.. అతనో గొప్పనాయకుడని బదులిచ్చాడు.

పిచ్చి ప్రశ్నలు వద్దు..

ఇక ఇండియన్ ఫేవరెట్ క్రికెటర్ ఎవరనే పిచ్చి ప్రశ్నలు అడగవద్దని, రోహిత్ శర్మనే నా ఫేవరేట్ అని అందరికి తెలుసని ఈ కివీస్ పేసర్ అసహనం కూడా వ్యక్తం చేశాడు. రోహిత్, మిచెల్ చాలా కాలంగా ముంబైకి ఆడుతున్న విషయం తెలిసిందే. ముంబై చాంపియన్‌గా నిలిచిన 2015,17,19 సీజన్ల‌లో మెక్ క్లనఘన్ రాణించాడు.

ధోనీకి బౌలింగ్ చేయలేం బాబోయ్..

ధోనీ గురించి కొన్ని విషయాలు చెప్పండని ఓ అభిమాని ప్రశ్నించగా.. అతనికి బౌలింగ్ చేయకూడదు బాబోయ్..! అని సమాధానమిచ్చాడు. ఐపీఎల్‌లో ఎన్నో విధ్వంసకర ఇన్నింగ్స్‌లతో మ్యాచ్‌లు గెలిపించిన ధోనీ.. ఎంతో మంది బౌలర్లను చీల్చి చెండాడాడు. మెక్ క్లన్ ఘన్ కూడా ధోనీ బాధితుడే.