ధోనీ రిటైర్మెంట్ వార్తతో నా గుండె పగిలింది: కేఎల్ రాహుల్

ఆ అవకాశం లేకుండా పోయింది..

‘ధోనీ రిటైర్మెంట్ వార్త షాక్‌కు గురిచేసింది. నిజాయితీగా చెప్పాలంటే నా గుండె ఆగినంత పనైంది. నాతో పాటు ధోని సారథ్యంలో ఆడిన ప్రతీ క్రికెటర్‌ ఇలాంటి ఉద్వేగానికి లోనై ఉంటారు. తనకు వీడ్కోలు చెబుతూ స్పెషల్‌గా ఫేర్‌వెల్‌ ఏర్పాటు చేసే వీల్లేకుండా పోయింది.

జట్టులోని ప్రతి ఆటగాడికి ధోని పూర్తి స్వేచ్చనిచ్చేవాడు. ఎలా ఆడాలో చెబుతూనే మా సహజత్వాన్ని కోల్పోకుండా, మా తప్పుల్ని మేమే తెలుసుకునేలా గైడ్‌ చేసేవాడు. మమ్మల్ని మాలాగే ఉంచిన ఘనత ధోనీకే దక్కుతుంది. ఎవరికైనా ఏదైనా సందేహం వస్తే మొదటగా పరిగెత్తుకు వెళ్లేది ధోని దగ్గరికే. తనెప్పుడూ మమ్మల్ని ముందుకు నడిపేందుకు సిద్ధంగా ఉండేవాడు. ధోనికి ఎల్లప్పుడూ రుణపడి ఉంటాం.’అని రాహుల్ చెప్పుకొచ్చాడు.

పదాలు దొరకలేదు..

ఇక ధోనీ రిటైర్మెంట్ వార్త విన్న తర్వాత అతని గొప్పతనం గురించి సోషల్ మీడియాలో రాద్దామంటే పదాలు దొరకలేదని రాహుల్ చెప్పుకొచ్చాడు. జీవితాలను మార్చగలిగే సామర్థ్యం ఉన్న ధోనీ సారథ్యంలో ఆడటం తనకు దక్కిన అదృష్టంగా భావిస్తున్నానని చెప్పుకొచ్చాడు. ‘రిటైర్మెంట్ సందర్భంగా ధోనీ గొప్పతనం గురించి ఇన్‌స్టాగ్రామ్, ట్విటర్ రాద్దామంటే పదాలు దొరకలేదు. లెజండరీ ఆటగాడి గురించి ఏమని చెప్పను. ఎలా అని రాయను.

మహీ భాయ్ నా రోల్‌ మోడల్..

మహీ భాయ్ తన సారథ్యంలో ఎంతో మంది ఆటగాళ్లకు స్పూర్తిగా నిలిచాడు. మరెంతో మంది జీవితాలు మార్చాడు. మైదానంలోనేకాదు ఆఫ్ ది ఫీల్డ్‌లో కూడా ధోనీ భాయ్ ఎన్నో చేశాడు. మరేన్నో ఘనతనలు అందుకున్నాడు. అతనో అసాధారణమైన ఆటగాడు. అలాంటి ధోనీ సారథ్యంలో నేను ఆడినందుకు ఎంతో గౌరవంగా, నేను చేసుకున్న అదృష్టంగా భావిస్తున్నా. అతనే నా రోల్ మోడల్'అని రాహుల్ చెప్పుకొచ్చాడు.

ఫుల్ టైమ్ కీపర్‌గా..?

ఇక మహేంద్ర సింగ్ ధోనీ రిటైర్మెంట్‌తో భారత జట్టు వికెట్ కీపర్‌గా కేఎల్ రాహుల్ పూర్తి స్థాయి బాధ్యతలు చెపట్టునున్నాడా.? లేక రిషభ్ పంత్‌కు మరో అవకాశం ఇస్తారా? అనేచర్చ ఊపందుకుంది. పంత్ గైర్హాజరీలో వికెట్ల వెనుకాల అదరగొట్టిన రాహుల్.. అటు బ్యాటింగ్‌లోనూ మెరిసాడు. ఈ ఏడాది ప్రారంభంలో ఆస్ట్రేలియా, న్యూజిలాండ్‌తో జరిగిన సిరీస్‌ల్లో తన కీపింగ్‌తో ధోనీ లేని లోటు తీర్చాడు. దీంతో రాహులే ధోనీ వారుసుడనే వాదన చాలా బలంగా వినిపించింది. ఇక దేశవాళీ, ఐపీఎల్‌లో మాత్రమే కీపింగ్ చేసిన రాహుల్.. ధోనీ రిటైర్మెంట్‌‌తో పూర్తిస్థాయి కీపర్‌గా మారే అవకాశముందని విశ్లేషకులు అభిప్రాయపడుతున్నారు. ఈ విషయంలో ఐపీఎల్‌ 2020 సీజన్‌తో కొంత క్లారిటీ రావచ్చంటున్నారు.

CPL 2020: అప్‌గ్రేడేడ్ హెలికాప్టర్ షాట్‌‌తో రఫ్ఫాడించిన రషీద్ ఖాన్.!(వీడియో)