మీ ప్రేమకు కృతజ్ఞతలు.. నేను క్షేమంగా ఉన్నాను: కపిల్ దేవ్

అర్ధారాత్రి గుండె పోటు..

అనారోగ్యంతో ఫోర్టిస్ ఆస్పత్రిలో చేరిన కపిల్ దేవ్‌కు యాంజియోప్లాస్టీ చికిత్స చేశామని, అతని ఆరోగ్యం నిలకడగానే ఉందని ఆసుపత్రి వర్గాలు తెలిపాయి. ''ఛాతినొప్పితో కపిల్‌దేవ్‌ గురువారం అర్ధరాత్రి ఆసుపత్రిలో చేరారు. ఆయనకు యాంజీయోప్లాస్టీ చికిత్స అందించాం. ప్రస్తుతం ఆరోగ్యం నిలకడగా ఉంది. ఐసీయూలో వైద్యుల పర్యవేక్షణలో ఉన్నారు. మరో రెండు రోజుల్లో డిశ్ఛార్జ్‌ చేస్తాం'' అని ఆసుపత్రి వర్గాలు తెలిపాయి.

తొలికప్.. కపిల్‌దే..

దేశానికి ప్రపంచకప్‌ అందించిన తొలి కెప్టెన్‌గా కపిల్‌దేవ్‌ చరిత్ర సృష్టించారు. అండర్‌డాగ్స్‌గా బరిలోకి దిగిన జట్టును 1983లో విశ్వవిజేతగా నిలపడంలో ఈ 'హరియాణా హరికేన్‌'ది కీలక పాత్ర. 61 ఏళ్ల కపిల్‌దేవ్‌ భారత్‌ తరఫున 131 టెస్టులు, 225 వన్డేలు ఆడాడు. టెస్టుల్లో 5248 పరుగులతో పాటు 434 వికెట్లు తీశాడు. వన్డేల్లో 3783 పరుగులు, 253 వికెట్లు సాధించాడు.

కపిల్ క్షేమం కోరుతూ..

మరోవైపు కపిల్ త్వరగా కోలుకోవాలని టీమిండియా క్రికెటర్లు, మాజీలు, అభిమానులు సామాజిక మాధ్యమాల్లో పోస్ట్‌లు చేశారు. భారత కెప్టెన్‌ విరాట్‌ కోహ్లీ, ఓపెనర్‌ శిఖర్‌ ధావన్‌, మాజీ ఆల్‌రౌండర్‌ ఇర్ఫాన్‌ పఠాన్‌, మాజీ క్రికెటర్‌ మదన్‌లాల్‌ ట్వీట్‌లు చేశారు.

‘టేక్‌ కేర్‌ కపిల్‌దేవ్‌! మీరు త్వరగా కోలుకోవాలని ప్రార్థిస్తున్నాను. గెట్‌వెల్‌ సూన్‌ పాజీ!'అని సచిన్‌ టెండూల్కర్ ట్వీట్ చేయగా.. 'మీరు త్వరగా కోలుకోవాలని ప్రార్థిస్తున్నాను. గెట్‌ వెల్‌ సూన్‌ పాజీ.'అని విరాట్‌ కోహ్లీ ఆకాక్షించాడు. 'మీరు త్వరగా కోలుకోవాలని కోరుకుంటున్నాను కపిల్‌ సర్‌.. టేక్ కేర్‌, గాడ్‌ బ్లెస్‌..' అంటూ సురేశ్‌ రైనా ట్వీట్ చేశాడు.

నీకు నచ్చకపోతే చెత్త కామెంటేటర్ అను.. కానీ బిట్స్ అండ్ పీసెస్ వద్దు: సంజయ్ మంజ్రేకర్