Click it and Unblock the Notifications
అనుష్కా ఆరోజు సైలెంట్గా ఉన్నావ్..
గవాస్కర్ వ్యాఖ్యలను తప్పుబట్టిన కంగన..అనుష్క పేరును ఆయన ప్రస్తావించకుండా ఉండాల్సిందని అభిప్రాయపడింది. అదే సమయంలో.. తనను గతంలో చట్టాలపై గౌరవంలేని మహిళగా అభివర్ణించినప్పుడు అనుష్క శర్మ ఖండించలేదని గుర్తు చేసింది. ఆమెది ‘ఎంపిక చేసిన స్త్రీవాదం'గా విమర్శించింది.
‘నన్ను బెదిరించినప్పుడు, హరమ్ఖోర్ అని తిట్టినప్పుడు అనుష్క మౌనంగా ఉండిపోయింది. కానీ ఈ రోజు ఆమె నాలాంటి పరిస్థితినే ఎదుర్కొంటుంది. సునీల్ గవాస్కర్ అనుష్కాను క్రికెట్లోకి లాగడాన్ని ఖండిస్తున్నా. కానీ ఈ సెలెక్టివ్ ఫెమినిజం తీరును కూడా తప్పుబడుతున్నా.'అని ట్వీట్ చేసింది.
అనుష్కను ప్రస్తావించాల్సి అవసరం లేదు..
ఇక సునీల్ గవాస్కర్ చేసిన వ్యాఖ్యల్లో ఎలాంటి అసహ్యకరమైన కామెంట్స్ లేవన్న కంగనా.. ఆమె పేరును ప్రస్తావించుకుండా ఉండాల్సిందని అభిప్రాయపడింది. ‘లైంగిక కాంక్షతో రగిలిపోతున్న వారికే సునీల్ గావస్కర్ వ్యాఖ్యల్లో అలాంటి డబుల్ మీనింగ్ కామెంట్స్ వినిపిస్తాయి. గవాస్కర్ కూడా అక్కడ అనుష్క పేరును ప్రస్తావించాల్సిన అవసరం లేదు. కానీ అనుష్క క్రికెటర్ పాత్ర పోషిస్తుంది. తన భర్తతో కలిసి ప్రాక్టీస్ చేసిన వీడియోలు చాలా ఉన్నాయి'అని కంగనా ట్వీట్ చేసింది.
అనుష్క బంతులతో..
కింగ్స్ ఎలెవన్ పంజాబ్, రాయల్ చాలెంజర్స్ బెంగళూరు మధ్య జరిగిన మ్యాచ్ సందర్భంగా గవాస్కర్ విరాట్ కోహ్లీ ప్రాక్టీస్ గురించి మాట్లాడాడు.
అయితే గవాస్కర్ వ్యాఖ్యలను ఇక్కడ తప్పుగా అర్ధం చేసుకున్నారు. అతను తన కామెంట్రీలో లాక్డౌన్లో అనుష్క బౌలింగ్ను మాత్రమే కోహ్లీ ఎదుర్కొన్నాడని చెప్పారు. కానీ కొంత మంది ఈ కామెంట్స్లో అనుష్క బౌలింగ్కు బదులు అనుష్క బంతులని రాసుకొచ్చారు. ఇవి డబుల్ మీనింగ్కు దారితీయడంతో అందరూ గవాస్కర్పై మండిపడ్డారు. దీనీపై అనుష్క ఆగ్రహం వ్యక్తం చేయడంతో గవాస్కర్ వివరణ కూడా ఇచ్చుకున్నాడు. తాను ఎలాంటి తప్పిదం చేయలేదని, తన వ్యాఖ్యలను తప్పుగా అర్ధం చేసుకున్నారని స్పష్టం చేశాడు.
మిస్టర్ సునీల్ గవాస్కర్..
అభిమానుల అర్ధం పర్ధంలేని ట్రోలింగ్ను సీరియస్గా తీసుకున్న అనుష్క.. గవాస్కర్పై ఆగ్రహం వ్యక్తం చేసింది. ‘మిస్టర్ సునీల్ గవాస్కర్ మీ వ్యాఖ్యలు చాలా అసహ్యకరంగా ఉన్నాయి. భర్త గేమ్ను నిందించడానికి భార్యను లాగుతూ.. డబుల్ మీనింగ్ వాఖ్యలు ఎందుకు చేస్తారు? అసలు మీకు ఈ ఆలోచన ఎలా వస్తుంది. కామెంటేటర్గా ప్రతీ క్రికెటర్ వ్యక్తిగత జీవితాలను మీరు గౌరవిస్తారని తెలుసు. అలాంటి మీకు మా పట్ల గౌరవం లేదా? గత రాత్రి నా భర్త ఆటతీరుపై వ్యాఖ్యానించడానికి మీ వద్ద చాలా పదాలు, కామెంట్స్ ఉండే ఉంటాయి. కానీ వాటికి నాపేరును ఉపయోగిస్తేనే మీ విమర్శలు పవర్ ఫుల్గా ఉంటాయనుకున్నారా?
2020 వచ్చినా.. పరిస్థితుల్లో ఎలాంటి మార్పు రాలేదు. ఇప్పటికీ నన్ను క్రికెట్లోకి లాగుతూ అసభ్యకరమైన వ్యాఖ్యలు చేస్తూనే ఉన్నారు. ఇలాంటి కామెంట్స్ ఎప్పుడు ఆగుతాయో? గౌరవనీయులైన గవాస్కర్.. ఈ జెంటిల్ మెన్ గేమ్లో మీరో దిగ్గజం. మీరు నా పట్ల చేసిన వ్యాఖ్యలు విన్న తర్వాత నాకు ఏం అనిపించిందో అది చెప్పాలనుకున్నా'అని అనుష్క తన ఇన్స్టా స్టోరీలో రాసుకొచ్చింది.
జట్టులో ఆ ఇద్దరు లేని లోటు స్పష్టంగా కనిపిస్తోంది: సీఎస్కే కోచ్ స్టీఫెన్ ఫ్లెమింగ్
Continue with Google