IND vs ZIM: గంభీర్‌కు బిగ్ షాక్.. జింబాబ్వే పర్యటన నుంచి ఔట్.. కొత్త కోచ్ ఎవరంటే?

IND vs ZIM: భారత్, జింబాబ్వే జట్ల మధ్య టీ20 సిరీస్ జులై 23న ప్రారంభం కానుంది. జింబాబ్వే పర్యటనలో టీమిండియా 3 టీ20 మ్యాచ్‌లు ఆడనుంది. శ్రేయస్ అయ్యర్ కెప్టెన్సీలో భారత జట్టు తమ తొలి సిరీస్ విజయం కోసం ఎదురుచూస్తోంది. భారత టీ20 జట్టులోని చాలా మంది ప్లేయర్లు ప్రస్తుతం ఇంగ్లాండ్‌తో జరుగుతున్నవన్డే సిరీస్‌తో బిజీగా ఉన్నారు. కొత్త కోచ్‌తో పాటు టీమిండియాకు చెందిన కొంత మంది యువ ఆటగాళ్లు జింబాబ్వే పర్యటనకు బయలుదేరారు. ఈ క్రమంలో టీమిండియా యువసంచలనం వైభవ్ సూర్యవంశీ లుక్ అభిమానుల దృష్టిని ఆకర్షించింది.

గంభీర్‌తో తీవ్ర వాగ్వాదం.. టీమిండియా హోటల్‌ నుంచి వెళ్లిపోయిన కోహ్లీ!(వీడియో)

జింబాబ్వేకు బయలుదేరిన టీమిండియా
మరోవైపు టీమిండియా కోచ్ గౌతమ్ గంభీర్‌కు బిగ్ షాక్ తగిలింది. ఇంగ్లాండ్ పర్యటన అనంతరం గౌతమ్ గంభీర్‌కు విశ్రాంతినివ్వాలని బీసీసీఐ నిర్ణయించింది. ఈ నేపథ్యంలో జింబాబ్వేతో జరిగే టీ20 సిరీస్‌కు గౌతమ్ గంభీర్ టీమిండియాతో ఉండడని తెలుస్తోంది. గౌతమ్ గంభీర్ స్థానంలో వీవీఎస్ లక్ష్మణ్ హెడ్ కోచ్‌గా వ్యవహరిస్తున్నారు. జింబాబ్వేకు బయలుదేరుతున్న భారత జట్టు ఫోటోలను బీసీసీఐ సోషల్ మీడియాలో పంచుకుంది. వీవీఎస్ లక్ష్మణ్‌తో పాటు తిలక్ వర్మ, వైభవ్ సూర్యవంశీ, రింకూ సింగ్, రవి బిష్ణోయ్, అశోక్ శర్మ, సూర్యాంశ్ షెడ్గే, యశ్ ఠాకూర్, మయాంక్ యాదవ్, ప్రభ్‌సిమ్రాన్ సింగ్ కూడా జింబాబ్వేకు బయలుదేరారు. ఈ క్రమంలో వైభవ్ సూర్యవంశీ ఓ స్టైలిష్ లుక్‌లో కనిపించాడు.

ఇంగ్లాండ్ టూర్ తర్వాత జింబాబ్వేకు ఇతర ఆటగాళ్లు
ఇంగ్లాండ్, భారత జట్ల మధ్య మూడో వన్డే లార్డ్స్ స్టేడియంలో జరగనుంది. జింబాబ్వేతో జరిగిన టీ20 సిరీస్ లో పాల్గొన్న కొందరు ఆటగాళ్లు ప్రస్తుతం వన్డే జట్టులో ఉన్నారు. అందువల్ల ఇంగ్లాండ్ జట్టుతో వన్డే సిరీస్ ముగిసిన అనంతరం టీ20 కెప్టెన్ శ్రేయస్ అయ్యర్, శివమ్ దూబే, హర్ష్ దూబే, ఇషాన్ కిషన్, ప్రిన్స్ యాదవ్ కూడా ఇంగ్లాండ్ నుంచి నేరుగా జింబాబ్వేకు బయలుదేరుతారు.

అర్జెంటీనాకు మెస్సీ.. టీమిండియాకు కోహ్లీ, రోహిత్: మహ్మద్ కైఫ్

జింబాబ్వే పర్యటనకు భారత జట్టు
భారత్, జింబాబ్వేల మధ్య తొలి టీ20ఐ మ్యాచ్ జూలై 23న జరగనుంది. రెండో, మూడో మ్యాచ్‌లు వరుసగా జులై 25, 26 తేదీలలో జరుగుతాయి. టీ20 సిరీస్ కోసం భారత జట్టు ఇదే..

భారత జట్టు: శ్రేయస్ అయ్యర్ (కెప్టెన్), వైభవ్ సూర్యవంశీ, తిలక్ వర్మ, రింకూ సింగ్, అభిషేక్ శర్మ, శివమ్ దూబే, సూర్యాంశ్ షెడ్గే, హర్ష్ దూబే, ఇషాన్ కిషన్, ప్రభ్‌సిమ్రాన్ సింగ్, ప్రిన్స్ యాదవ్, యశ్ ఠాకూర్, మయాంక్ యాదవ్, అశోక్ శర్మ, రవి బిష్ణోయ్.