Click it and Unblock the Notifications
రోహిత్ గాయంపై దుమారం
కానీ రోహిత్ ఆ మరుసటి లీగ్ మ్యాచ్ల్లో ఆడటంతో సెలెక్షన్ తీరుపై తీవ్ర విమర్శలు వ్యక్తమయ్యాయి. చివరకు టెస్ట్ సిరీస్కు ఎంపిక చేసిన సెలెక్షన్ కమిటీ.. టీ20, వన్డే సిరీస్లకు మాత్రం విశ్రాంతినిచ్చింది. అయితే ఢిల్లీ క్యాపిటల్స్తో జరిగిన ఫైనల్లో రోహిత్ హాఫ్ సెంచరీతో జట్టు విజయంలో కీలక పాత్ర పోషించాడు. దాంతో హిట్ మ్యాన్ను పరిమిత ఓవర్ల సిరీస్కు ఎందుకు ఎంపిక చేయలేదనే విమర్శలు వ్యక్తమయ్యాయి. విరాట్ కోహ్లీ పెటర్నిటీ లీవ్ తీసుకోవడంతోనే హుటాహుటిన రోహిత్ను ఎంపిక చేశారా? అని అభిమానులు బీసీసీఐని నిలదీశారు.
70 శాతం మాత్రమే ఫిట్..
ఇదే విషయంపై తాజాగా ఓ ఇంటర్వ్యూలో గంగూలీని ప్రశ్నించగా.. రోహిత్ పూర్తిగా కోలుకోలేదని స్పష్టం చేశాడు. గాయాల గురించి ప్రజలకు అవగాహన లేదని, అందుకే నోటికి ఏది వస్తే అది మాట్లాడుతున్నారని అసహనం వ్యక్తం చేశాడు.‘రోహిత్ శర్మ పూర్తిగా కోలుకోలేదు. 70 శాతం మాత్రమే ఫిట్గా ఉన్నాడు. అందుకే అతన్ని టీ20, వన్డే సిరీస్లకు ఎంపిక చేయకుండా టెస్ట్ జట్టులోకి తీసుకున్నాం. ఆటగాళ్ల గాయాల గురించి విమర్శలు చేసేవారికి ఏం తెలియదు. గాయాల బారిన పడిన ఆటగాళ్ల పరిస్థితి ఏంటో మాకు, ఫిజియోలకు మాత్రమే తెలుసు.
అందుకే ఈ చెత్త మాటలు
విమర్శలు చేసే వారికి బీసీసీఐ ట్రైనర్లు, ఫిజియోలు చేసే పని గురించి ఏం తెలియదనుకుంటా. అందుకే ఈ చెత్త మాటలు మాట్లాడుతున్నారు. వృద్దిమాన్ సాహా, రోహిత్ గాయాల పరిస్థితి వేరు. టెస్ట్ల వరకు అతను పూర్తి స్థాయి ఫిట్నెస్ సాధించే అవకాశం ఉంది కాబట్టే సాహా ఆస్ట్రేలియాకు వెళ్లాడు. అతను పరిమిత ఓవర్ల టీమ్స్లో కూడా లేడు. ఐపీఎల్ పూర్తయ్యేంత వరకు టీమిండియా ఫిజియోలు, ట్రైనర్లు దుబాయ్లోనే ఉన్నారు. డాక్టర్ నితీష్ పటేల్ ఎప్పటికప్పుడు ఆటగాళ్ల గాయాలను పర్యవేక్షించాడు.'అని గంగూలీ చెప్పుకొచ్చాడు.
యోయో పాసైతేనే ఆసీస్కు..
ఐపీఎల్ ముగిసిన అనంతరం రోహిత్ శర్మ ఆస్ట్రేలియా వెళ్లకుండా నేరుగా బెంగళూరులోని నేషనల్ క్రికెట్ అకాడమీ(ఎన్సీఏ)కి చేరుకున్నాడు. అక్కడ గాయానికి చికిత్స తీసుకోనున్న హిట్ మ్యాన్ పూర్తిగా కోలుకున్నా.. యోయో టెస్ట్ నెగ్గితేనే ఆసీస్కు పయనమవుతాడు. ఇక డిసెంబరు 17న అడిలైడ్లో తొలి టెస్టు ప్రారంభమవుతుంది. నిబంధనల ప్రకారం ఆసీస్లో అడుగుపెట్టిన వాళ్లకి 14 రోజుల క్వారంటైన్ తప్పనిసరి. తొలి టెస్టు ఆడాలంటే కనీసం 2, 3 రోజుల ముందు నుంచి జట్టుకు అందుబాటులో ఉండాలి. ఆ లెక్కల ప్రకారం ఈ నెలాఖరు లోపు రోహిత్ అక్కడికి చేరుకోవాలి.
యువరాజ్ న్యూ లుక్ వైరల్.. ‘హాయ్ అందగాడా'అంటూ బ్రిటీష్ బ్యూటీ కామెంట్!
Continue with Google