IND vs NZ: సిరీస్ గెలిచాం కానీ పరువు పోయింది.. కివీస్ చేతిలో ఘోర ఓటమి!

IND vs NZ: న్యూజిలాండ్‌ జట్టుతో జరిగిన సిరీస్‌లోని చివరి టీ20 మ్యాచ్‌లో భారత క్రికెట్ జట్టు 7 వికెట్ల తేడాతో పరాజయం పాలైంది. మొదట బ్యాటింగ్ చేసిన భారత్ 8 వికెట్ల నష్టానికి 191 పరుగులు చేసింది. అనంతరం లక్ష్యఛేదనలో న్యూజిలాండ్ కేవలం 3 వికెట్ల నష్టానికి 18వ ఓవర్‌లోనే లక్ష్యాన్ని సునాయాసంగా ఛేదించింది. అయితే భారత్ 3-2 తేడాతో సిరీస్‌ను కైవసం చేసుకుంది. ఈ సిరీస్‌లోని మొదటి మూడు మ్యాచ్‌లను భారత్ గెలుచుకోగా.. చివరి రెండు మ్యాచ్‌లను న్యూజిలాండ్ కైవసం చేసుకుంది.

IND vs NZ: అర్థ శతకాలతో చెలరేగిన ఇషాన్, శ్రేయస్.. కివీస్ ముంగిట భారీ స్కోరు!

191 పరుగులు చేసిన భారత్
మ్యాచ్‌లో ముందుగా బ్యాటింగ్ చేసిన భారత జట్టు 20 ఓవర్లలో 8 వికెట్ల నష్టానికి 191 పరుగులు చేసింది. టాస్ ఓడిపోయి మొదట బ్యాటింగ్‌కు వచ్చిన భారత జట్టుకు మంచి ఆరంభం లభించలేదు. అభిషేక్ శర్మ కేవలం ఒక పరుగు చేసి ఔటయ్యాడు. సంజు శాంసన్ 10 బంతులు ఎదుర్కొని 4 పరుగులు మాత్రమే చేసి పెవిలియన్ చేరాడు. 19 పరుగులకే 2 వికెట్లు కోల్పోయి కష్టాల్లో పడిన భారత జట్టును ఇషాన్ కిషన్, కెప్టెన్ శ్రేయస్ అయ్యర్ ఆదుకున్నారు. వీరిద్దరూ కలిసి మూడో వికెట్‌కు కేవలం 43 బంతుల్లోనే 93 పరుగుల భాగస్వామ్యం నెలకొల్పారు.

ఇషాన్ కిషన్ అద్భుతమైన ఇన్నింగ్స్
ఇషాన్ కిషన్ అద్భుతమైన ఫామ్‌లో కనిపించి కేవలం 28 బంతుల్లోనే తన అర్ధశతకాన్ని పూర్తి చేసుకున్నాడు. ఇషాన్ కిషన్ 32 బంతులు ఎదుర్కొని 61 పరుగుల పవర్‌ఫుల్ ఇన్నింగ్స్ ఆడాడు. తన ఇన్నింగ్స్‌లో ఇషాన్ కిషన్ ఐదు ఫోర్లు, ఐదు సిక్సర్లు కొట్టాడు. మరోవైపు శ్రేయస్ అయ్యర్ 22 బంతుల్లో తన అర్ధశతకాన్ని పూర్తి చేసుకున్నాడు. శ్రేయస్ అయ్యర్ 23 బంతుల్లో 50 పరుగులు చేసి ఔటయ్యాడు. తిలక్ వర్మ కేవలం ఆరు పరుగులు చేసి రాణించడంలో విఫలమయ్యాడు.

Also Read

Viral Video: 'వైభవ్ నిరసన చేస్తున్నాడు!': అక్షర్ పటేల్ కామెడీ మామూలుగా లేదుగా!

చివరి ఓవర్లలో నమన్ ధీర్, నితీష్ కుమార్ రెడ్డి అద్భుతంగా బ్యాటింగ్ చేశారు. వీరిద్దరూ కలిసి 30 బంతుల్లో 46 పరుగుల భాగస్వామ్యం నెలకొల్పారు. 3 ఫోర్లు, 4 సిక్సర్ల సహాయంతో 23 బంతుల్లో 33 పరుగులు చేసిన నమన్ ధీర్ ఔవుటయ్యాడు. మరోవైపు నితీష్ కుమార్ రెడ్డి 17 బంతుల్లో 22 పరుగులు చేశాడు. భువనేశ్వర్ కుమార్ 6 పరుగులు చేశాడు. న్యూజిలాండ్ తరఫున ఆడమ్ మిల్నే తన 4 ఓవర్ల స్పెల్‌లో కేవలం 19 పరుగులు ఇచ్చి 4 వికెట్లు పడగొట్టాడు. మరోవైపు బ్లెయిర్ టిక్నర్, నాథన్ స్మిత్ చెరో 2 వికెట్లు తీసుకున్నారు.

న్యూజిలాండ్ ఇన్నింగ్స్
అనంతరం లక్షఛేదనలో అర్ష్‌దీప్ సింగ్ ఫిన్ అలెన్‌ను అవుట్ చేసి న్యూజిలాండ్‌ను తొలి దెబ్బ కొట్టాడు. ఫిన్ అలెన్ 3 బంతుల్లో 2 పరుగులు చేసి అవుటయ్యాడు. ఫీల్డింగ్‌లో ఇషాన్ కిషన్ క్యాచ్ అందుకున్నాడు. దీంతో డారిల్ మిచెల్, టిమ్ సీఫెర్ట్‌ల మధ్య 73 పరుగుల భాగస్వామ్యం మొదలైంది. ఆ తర్వాత వరుణ్ చక్రవర్తి బౌలింగ్‌లో డారిల్ మిచెల్ (29) ఔవుటయ్యాడు. దీంతో న్యూజిలాండ్ స్కోరు 82/2కి పడిపోయింది. న్యూజిలాండ్ 168 పరుగుల వద్ద విజయం దిశగా సాగుతున్న తరుణంలో టిమ్ సీఫెర్ట్ (93) నితీష్ కుమార్ రెడ్డి బౌలింగ్‌లో ఔటయ్యాడు. గ్లెన్ ఫిలిప్స్ (65 నాటౌట్), బెవాన్ జాకబ్స్ (1 నాటౌట్) చివరి వరకు క్రీజులో నిలిచి విజయాన్ని అందించారు.