ఐపీఎల్ 2020 టైటిల్ ఆ జట్టుదే.. సీఎస్‌కే, ముంబై, ఆర్‌సీబీకి నో చాన్స్: మైఖెల్ వాన్

బ్రెండన్ మెకల్లమ్ పర్యవేక్షణలో..

అంతేకాకుండా బ్రెండన్ మెకల్లమ్ కోచ్‌గా ఉండటం ఆ జట్టుకు అదనపు బలమన్నాడు. ఇప్పటికే మెక్‌కల్లమ్ కరీబియన్ ప్రీమియర్ లీగ్(సీపీఎల్) 2020 సీజన్‌లో తమ జట్టు ట్రిన్‌బాగో నైట్‌రైడర్స్‌కు టైటిల్ అందించాడని గుర్తు చేశాడు. ఆ మ్యాజిక్‌ను ఇక్కడ రిపీట్ చేస్తాడని చెప్పుకొచ్చాడు. ‘కోల్‌కతా నైట్‌ రైడర్స్ ఈ సీజన్ ఐపీఎల్ టైటిల్ గెలుస్తుంది. బ్రెండన్ మెకల్లమ్ కోచ్‌గా ఉండటం ఆ జట్టుకు అదనపు బలం. కరీబియన్‌ ప్రీమియర్ లీగ్(సీపీఎల్)‌లో టైటిల్ గెలిచి కోచ్‌గా తన సత్తా చాటాడు. అదే మ్యాజిక్‌ను ఇక్కడ రిపీట్ చేస్తాడనుకుంటున్నా'అని మైఖెల్ చెప్పుకొచ్చాడు.

కమిన్స్ ఎక్కువ మ్యాచ్‌లు ఆడడు..

ఈ సీజన్ ఐపీఎల్ వేలంలో భారీ ధరకు కేకేఆర్ కొనుగోలు చేసిన పాట్ కమిన్స్ (రూ. 15.5 కోట్లు) ఎక్కువ మ్యాచ్‌లు ఆడడని మైఖెల్ వాన్ జోస్యం చెప్పాడు. యూఏఈ పిచ్‌లు నెమ్మదైనవని, అక్కడ అతని ప్రభావం అంతగా అవసరం ఉండదన్నాడు. జట్టులో ఉన్న నాణ్యమైన ఆటగాళ్లే విజయాలందిస్తారని చెప్పాడు. ‘సత్తాచాటే ఆటగాళ్లు కేకేఆర్‌లో చాలా మంది ఉన్నారు. ఈ క్రమంలోనే సునీల్ నరైన్, కుల్దీప్ యాదవ్, పాట్ కమిన్స్ అన్ని మ్యాచ్‌లు ఆడకపోవచ్చు. ఆండ్రూ రస్సెల్, ఇయాన్ మోర్గాన్, దినేశ్ కార్తీక్, శుభ్‌మన్ గిల్, నితీష్ రాణాలతో ఆ జట్టు బ్యాటింగ్ లైనప్ బలంగా ఉంది. ఈ సారి టైటిల్ నెగ్గేది కోల్‌కతానే'అని వాన్ చెప్పుకొచ్చాడు.

కోల్‌కతా నైట్‌రైడర్స్ జట్టు

బ్యాట్స్‌‌మెన్‌‌: ఇయాన్‌‌ మోర్గాన్‌‌, నితీశ్‌‌ రాణా, రాహుల్‌‌ త్రిపాఠి, రింకూ సింగ్‌‌, శుభ్‌‌మన్‌‌ గిల్‌‌, సిద్ధేశ్‌‌ లాడ్‌‌, టామ్‌‌ బాంటన్‌‌,

వికెట్‌‌ కీపర్లు: దినేశ్‌‌ కార్తీక్‌‌ (కెప్టెన్‌‌), నిఖిల్‌‌ నాయక్‌‌.

ఆల్‌‌రౌండర్లు: ఆండ్రీ రస్సెల్‌‌, కమలేష్ నాగర్‌‌కోటి, సునీల్‌‌ నరైన్‌‌, శివమ్‌‌ మావి.

బౌలర్లు: కుల్దీప్‌‌ యాదవ్‌‌, ఫెర్గుసన్‌‌, మణి మారన్‌‌, సిద్ధార్థ్‌‌, కమిన్స్‌‌, ప్రసిద్‌‌ కృష్ణ, సందీప్‌‌ వారియర్‌‌, వరుణ్‌‌ చక్రవర్తి, అలీ ఖాన్‌‌.

సన్‌‌రైజర్స్ హైదరాబాద్ బెస్ట్ ఎలెవన్ ఎంపిక చేసిన సునీల్ గవాస్కర్.. ఆ స్టార్ ఆటగాడికి దక్కని చోటు!