CPL 2020: వారెవ్వా వాటే క్యాచ్.. ఇది కదా కావాల్సింది.! (వీడియో)

బౌండరీ లైన్ వద్ద..

గయాన ఇన్నింగ్స్‌లో పిర్రే వేసిన 13 ఓవర్ తొలి బంతిని ఆ జట్టు బ్యాట్స్‌మన్ రూథర్ ఫర్డ్ ఓవర్ మిడ్ వికెట్ మీదుగా భారీ షాట్ ఆడాడు. బంతి కూడా దాదాపు సిక్స్‌గా వెళ్లింది. కానీ ఆ దిశలో బౌండరీ వద్ద ఫీల్డింగ్ చేస్తున్న వెబ్ స్టెర్ గాల్లోకి ఎగిరి బంతిని అందుకున్నాడు. సమన్వయం కోల్పోయిన అతను చాకచక్యంగా బంతిని గాల్లోకి విసిరి.. బౌండరీ రోప్ ధాటాడు. ఆ వెంటనే తిరిగివచ్చి అందుకున్నాడు.

అయితే అతను బంతి అందుకునే క్రమంలో బౌండరీ తాకాడా? అనే సందేహంతో థర్డ్ అంపైర్‌ను సమీక్షించగా.. అలాంటిదేం లేదని స్పష్టమైంది. దీంతో రూథర్ ఫర్డ్(6) నిరాశగా వెనుదిరిగాడు. ప్రస్తుతం ఈ క్యాచ్‌కు సంబంధించిన వీడియో నెట్టింట హల్‌చల్ చేస్తోంది. ఈ వీడియోను చూసిన నెటిజన్లు వారెవ్వా వాటే క్యాచ్.. అంటూ కామెంట్ చేస్తున్నారు.

నైట్ రైడర్స్ జైత్రయాత్ర..

ఇక ఈ మ్యాచ్‌లో ట్రిన్‌బాగో నైట్ రైడర్స్ 7 వికెట్లతో సునాయస విజయాన్నందుకుంది. సూపర్ బౌలింగ్.. అదిరే బ్యాటింగ్.. మైమరిపించే ఫీల్డింగ్‌తో అదరగొడుతున్న ఆ జట్టు లీగ్‌లో ఓటమెరుగని జట్టుగా తమ జైత్రయాత్రను కొనసాగిస్తుంది. ఇప్పటివరకు ఆడిన 5 మ్యాచ్‌ల్లో గెలిచింది. టాస్ ఓడి ముందుగా బ్యాటింగ్ చేసిన గయాన.. నిర్ణీత 20 ఓవర్లలో 7 వికెట్లకు 112 పరుగులు చేసింది. షిమ్రన్ హెట్‌మైర్(26, రాస్ టేలర్(26), కీమో పాల్(28).. మినహా అంతా విఫలమయ్యారు. నైట్ రైడర్స్ బౌలర్లలో ఖారీ పిర్రే(3/18) గయాన పతనాన్ని శాసించాడు. అతనికి తోడుగా..డ్వేన్ బ్రావో, సికింధర్ రాజా, పొలార్డ్ తలో వికెట్ తీశారు.

బ్రావో,సిఫెర్ట్ మెరుపులు..

అనంతరం లక్ష్య చేధనకు దిగిన నైట్ రైడర్స్ 18.2 ఓవర్లలో 3 వికెట్లకు 115 రన్స్ చేసి 10 బంతులు మిగిలి ఉండగానే విజయాన్నందుకుంది. ఆ జట్టులో వెబ్ స్టర్(27), డారెన్ బ్రావో(26 నాటౌట్), టీమ్ సీఫెర్ట్(39 నాటౌట్) రాణించారు. ప్రత్యర్థి బౌలర్లలో ఇమ్రాన్ తాహిర్ రెండు వికెట్లు తీయగా.. కెప్టెన్ గ్రీన్ ఓ వికెట్ తీశాడు. అద్భుత బౌలింగ్ చేసిన ఖారీ పిర్రేకు మ్యాన్ ఆఫ్ ది మ్యాచ్ దక్కింది.

రిటైర్మెంట్ తర్వాత సగం రింగ్‌కే ఫోన్‌ ఎత్తుతా.. ఆర్పీ సింగ్‌కు ధోనీ హామీ!