పాపం సందీప్ శర్మ.. బుమ్రా కన్నా ఎక్కువ వికెట్లు.. కానీ గుర్తింపు దక్కలేదు!

ఇద్దరి ప్రయాణం ఒకేసారి..

ఈ సూపర్ పెర్ఫామెన్స్‌తో అందరి దృష్టిని ఆకర్షించిన సందీప్ శర్మ.. టీమిండియా యార్కర్ల స్పెషలిస్ట్ జస్‌ప్రీత్ బుమ్రా కంటే ఎక్కువ వికెట్లు తీయడం, ఐపీఎల్ కెరీర్ గణంకాలు కూడా ఇద్దరివి దగ్గరిగా ఉండటం అందరిని ఆశ్చర్యపరుస్తుంది. అసలు ఇన్నాళ్లు సందీప్‌ను ఎందుకు గుర్తించలేదా? అనే సందేహం కలుగుతుంది. ఇక బుమ్రా, సందీప్ ఒకే ఏడాది 2013లో ఐపీఎల్‌లో అరంగేట్రం చేయగా.. ఇప్పటి వరకు ఇద్దరూ 90 మ్యాచ్‌లు ఆడారు. సందీప్ 24.02 సగటు, 7.75 ఎకానమీతో 108 వికెట్లు తీయగా.. బుమ్రా కూడా 24.22 సగటు 7.46 ఎకానమీతో 105 వికెట్లు మాత్రం తీసాడు. ఇక సందీప్ స్ట్రైక్ రేట్ 18.6 ఉండగా.. బుమ్రాది 19.4 ఉంది.

గుర్తింపు మాత్రం రాలేదు..

గణంకాల ప్రకారం సమంగా ఉన్నా.. బుమ్రాకు వచ్చిన పేరులో సగం కూడా సందీప్‌కు రాలేదు. పైగా బుమ్రా అంతర్జాతీయ క్రికెటర్‌గా ఎదిగితే సందీప్ మాత్రం ఐపీఎల్‌కే పరిమితమయ్యాడు. అయితే సందీప్‌కు పేరు రాకపోవడానికి ముఖ్య కారణం అతని బౌలింగ్‌లో పేస్ లేకపోవడమేనని క్రికెట్ విశ్లేషకులు అభిప్రాయపడుతున్నారు. స్లో బౌలింగ్‌తో నెట్టుకొచ్చే సందీప్.. అందరి దృష్టిని ఆకర్షించలేకపోయాడని చెబుతున్నారు.

పవర్‌ప్లే vs డెత్ ఓవర్స్..

ఇక సందీప్ పవర్ ప్లేలో వికెట్లు తీస్తే జస్‌ప్రీత్ బుమ్రా డెత్ ఓవర్లలో వికెట్లు తీసాడని అదే అతనికి వరల్డ్ క్లాస్ బౌలర్‌గా గుర్తింపు తెచ్చిపెట్టిందంటున్నారు. ఇక ఈ సీజన్‌లో బుమ్రా 13 మ్యాచ్‌ల్లో 23 వికెట్లు తీస్తే.. 11 మ్యాచ్‌లు మాత్రమే ఆడిన సందీప్ 13 వికెట్లు పడగొట్టాడు. ఇక ఈ ఇద్దరికి.. విరాట్ కోహ్లీపై మంచి రికార్డు ఉండటం విశేషం. బుమ్రా తన తొలి.. 100వ వికెట్‌గా విరాట్‌ను ఔట్ చేస్తే.. సందీప్ 7 సార్లు పెవిలియన్ చేర్చాడు.

IPL 2020: సన్‌రైజర్స్ హైదరాబాద్ విజయ రహస్యం ఇదే.. కేన్ మామ కీలక పాత్ర!