కన్నీటిని ఆపుకోలేని షెఫాలీ..
ముఖ్యంగా తన సూపర్ బ్యాటింగ్తో జట్టును ఫైనల్కు చేర్చిన షెఫాలీ వర్మ కీలక ఫైనల్లో మాత్రం చేతులెత్తేసింది. ఆసీస్ ఓపెనర్ అలిసా హీలీ ఇచ్చిన సునాయస క్యాచ్ వదిలేయడంతో పాటు.. బ్యాటింగ్లోనూ 2 పరుగులే చేసి దారుణంగా విఫలమైంది. దీంతో ఓటమి తర్వాత.. తన వల్లే ఈ పరిస్థితి వచ్చిందని, ఆ క్యాచ్ పట్టి ఉంటే ఫలితం వేరేలా ఉండేదని కన్నీటి పర్యంతమైంది. కెప్టెన్ హర్మన్ ప్రీత్, సహచర ప్లేయర్లు ఓదార్చే ప్రయత్నం చేసినా.. ఉబికి వస్తున్న దు:ఖాన్ని దింగమింగలేకపోయింది. వెక్కి వెక్కి ఏడ్వసాగింది.
అత్యుత్తమ వరల్డ్కప్ జట్టును ప్రకటించిన ఐసీసీ.. భారత్ నుంచి ఇద్దరే!!
ఆమెను అలా చూడలేకపోయా..
ఆమె కన్నీటి పర్యంతమవ్వడం.. సహచర ఆటగాళ్లతో పాటు యావత్ క్రికెట్ ప్రపంచాన్ని కదిలించింది. ఈ నేపథ్యంలోనే ఆసీస్ దిగ్గజ పేసర్ బ్రెట్ లీ ఐసీసీకి రాసిన తన కాలమ్లో షెఫాలీ వెక్కివెక్కి ఏడ్వడాన్ని ప్రత్యేకంగా ప్రస్తావించాడు.
‘షెఫాలీ ఏడ్వడం నాకు బాధనిపించింది. మ్యాచ్ ముగిసాక ఆమె కన్నీటి పర్యతమవ్వడం చూడటం చాలా కష్టంగా అనిపింది. కానీ ఆమె గర్వించదగ్గ క్రికెటర్. ఆస్ట్రేలియాలో షెఫాలీ ప్రదర్శన అద్భుతంగా సాగింది. తొలి టోర్నమెంట్లో ఈ యువ ప్లేయర్ తన బ్యాటింగ్ నైపుణ్యంతో ఆకట్టుకుంది. మానసికంగా ఆమె చాలా ధృడంగా కూడా కనిపించింది. ఈ టోర్నీ పరాజయంతో ఆమె మరింత పరిణితి సాధిస్తుందని ఆశిస్తున్నా. ఈ అనుభవంతో ఖచ్చితంగా ఆమె మరింత రాటుదేలుతుంది. ఆస్ట్రేలియాలో ఆడే తదుపరి టోర్నీల్లో ఆమె చేసే భారీ స్కోర్లు ఎవ్వర్నీ ఆశ్చర్యపరచకపోవచ్చు. సానుకూల ధోరణితో ముందుకు సాగుతుందనే భావిస్తున్నా. 'అని తెలిపాడు.
అప్పుడే ముగిసిపోలేదు..
ఈ ఫలితం భారత అమ్మాయిలను నిరాశ పరిచవచ్చని, కానీ భవిష్యత్తు వారు మరింత రాటేదేలుతారన్నారు. ‘ఈ రాత్రి భారత మహిళలకు తీవ్ర నిరాశను మిగిల్చవచ్చు. కానీ భవిష్యత్తులో వారు మరింత రాటుదేలతారు. ఈ ఫలితంతోనే వారి ఆట ముగిసిపోలేదు. ఇది కేవలం ఆరంభం మాత్రమే 'అని బ్రెట్ లీ పేర్కొన్నాడు.
కప్ పోయింది.. కన్నీరే మిగిలింది..
ఫైనల్ మ్యాచ్లో తొలుత బ్యాటింగ్ చేసిన ఆస్ట్రేలియా.. అలీసా హెలీ( 39 బంతుల్లో 7 ఫోర్లు, 5 సిక్సర్లతో 75), బెత్ మూనీ(54 బంతుల్లో 10 ఫోర్లు 78 నాటౌట్) విధ్వంసతో నిర్ణీత 20 ఓవర్లలో 4 వికెట్లకు 184 పరుగులు చేసింది. అనంతరం లక్ష్య చేధనకు దిగిన భారత్ 19.1 ఓవర్లలో 99 పరుగులకే ఆలౌటైంది. భారత బ్యాటర్లలో దీప్తీ శర్మ(33), వేద కృష్ణమూర్తి (19) టాప్ స్కోరర్లు కావడం గమనార్హం. ప్రధాన బ్యాటర్లు షెఫాలీ (2), మంధాన(11), రోడ్రిగ్స్(0), హర్మన్(4) ఘోరంగా విఫలమయ్యారు. ఆసీస్ బౌలర్లలో మేగన్ స్కట్ నాలుగు వికెట్లతో టీమిండియా పతనాన్ని శాసించగా.. జోనాసన్ మూడు వికెట్లు తీసింది.