వర్ణ వివక్షకు మేమూ బాధితులమే: భారత క్రికెటర్లు

నల్లగా ఉన్నానని..

‘ఆటలో భాగంగా 15 ఏళ్ల వయసు నుంచే మన దేశంతోపాటు ప్రపంచమంతా తిరుగుతూనే ఉన్నా. ఎండలో ఆడడం వల్ల మరింత నల్లగా కనిపించే వాడిని. అయితే, నా శరీర వర్ణం గురించి అందరూ ప్రత్యేకంగా చర్చించుకునేవారు. ఎంతో మంది నన్ను అనేక విధాలుగా పిలిచేవారు. వాటిని పట్టించుకోకుండా నా లక్ష్యం దిశగా సాగిపోయా. సోషల్‌ మీడియాలో కూడా ఎన్నో అవమానకర సందేశాలు వచ్చినా.. స్పందించడం మానేశా' అని మూడేళ్ల క్రితం తాను పెట్టిన ట్వీట్‌ను అభినవ్‌ తాజాగా రీట్వీట్‌ చేశాడు. తమిళనాడుకు చెందిన 30 ఏళ్ల అభినవ్ ముకుంద్‌ జాతీయ జట్టు తరఫున 7 టెస్టులు ఆడాడు.

మరింత స్ట్రాంగ్ అయ్యా..

తానాడే రోజుల్లో తనకూ ఇలాంటి అనుభవమే ఎదురైందంటూ కర్ణాటకకు చెందిన 46 ఏళ్ల గణేష్‌ చెప్పాడు. కానీ, వాటి నుంచి తాను మరింత బలంగా తయారయ్యానని అభినవ్ ట్వీట్‌‌నే రీ ట్వీట్ చేశాడు. ‘అభినవ్ ముకుంద్ స్టోరీ చదివితే నేను ఆడేరోజుల్లో ఎదుర్కొన్న జాతి వివక్ష గుర్తుకు వస్తుంది. కానీ దాని వల్ల నేను మరింత దృడంగా అయ్యా.'అని పేర్కొన్నాడు. ఇక దొడ్డ గణేశ్ భారత్ 4 టెస్ట్‌లు, ఒక వన్డే ఆడాడు.

ఈ దారుణ దురాగతంపై క్రికెట్‌ ప్రపంచం గళం విప్పాల్సిందే: డారెన్ సామీ

నేను వణికిపోయా..

అమెరికా పోలీసులతో కర్కశమైన అనుభవం తనకూ ఎదురైందని నల్లజాతి టెన్నిస్‌ ప్లేయర్‌ జేమ్స్‌ బ్లేక్‌ వివరించాడు. ఐదేళ్ల క్రితం యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీ సమయంలో ఈ ఘటన జరిగిందని, అది తలచుకుంటే పోలీసుల తీరుపై ఇప్పటికీ వణుకు పుడుతుందని 40 ఏళ్ల బ్లేక్‌ చెప్పాడు.‘2015లో యూఎస్‌ ఓపెన్‌ జరుగుతుండగా నేను మన్‌హటన్‌ హోటల్‌ బయట నిల్చున్నాను. ఒక అభిమాని నాకు సమీపంగా వచ్చి నా మ్యాచ్‌ల్ని ఆసక్తిగా చూసేవాడినని చెప్పాడు. తన కూతురు టెన్నిస్‌ ఆడుతుందన్నాడు. తర్వాత కాసేపటికే న్యూయార్క్‌ పోలీసులు నన్ను కర్కశంగా అదుపులోకి తీసుకున్నారు. క్రెడిట్‌ కార్డు మోసానికి పాల్పడిన వ్యక్తి నాలాగే ఉండటంతో నేనే మోసగాడినని నిశ్చయించుకున్న పోలీసులు నా పెడరెక్కలు విరిచేసి తొక్కిపెట్టేశారు. కనీస నిర్ధారణ అంటూ చేసుకోకుండానే నల్లజాతీయులపై ఈ స్థాయిలో అణచివేత ఉంటుంది' అని ప్రపంచ మాజీ నాలుగో ర్యాంకర్‌ బ్లేక్‌ నాటి భయంకర అనుభవాన్ని వివరించాడు.

అలా అయితేనే కోహ్లీ 100 సెంచరీలు చేయగలడు: మాజీ క్రికెటర్