Click it and Unblock the Notifications
కోబ్ సాయం మరవలేనిది..
గాయాలతో సతమతమవుతూ.. క్లిష్ట పరిస్థితుల్లో ఉన్న తనకు కోబ్ బ్రయంట్ ఇచ్చిన సలహాలు.. కలిగించిన స్పూర్తి మరవలేనిదని జొకోవిచ్ తెలిపాడు. ‘కోబ్ నా మెంటర్. ఎల్బో ఇంజ్యూరీతో మానసింగా, శారీరకంగా కృంగిపోయి.. వరుస పరాజయాలతో ర్యాంకింగ్స్లో పడిపోయి ఉన్న క్లిష్ట స్థితిలో కోబ్ విలువై సలహా ఇచ్చాడు. అతని మార్గ నిర్దేశకం నాపై నాకు నమ్మకాన్ని పెంచింది. అదే నన్ను పుంజుకునేలా చేసింది.'అని ఆస్ట్రేలియా ఓపెన్లో ఆడుతున్న జొకోవిచ్ చెప్పుకొచ్చాడు. ఇక కొబ్ మరణ వార్త వినగానే తన గుండె రోదించిందని ట్వీట్ చేశాడు.
‘కొబ్ మరణ వార్త విని నా గుండె రోదించింది. అతను నా స్నేహితుడు.. అలాగే గొప్ప మెంటర్ కూడా. నీవు.. నీ కూతురు ఎప్పటికీ మా గుండేల్లోజీవిస్తారు. నీ మరణ వార్త విన్న నాకు.. ఆ బాధను పంచేందుకు మాటలు రావడం లేదు. ఈ చేదు వార్త ప్రతీ కుటంబంలో విషాదం నింపింది.'అని జొకోవిచ్ పేర్కొన్నాడు
మరవలేం కొబ్: షరపోవా
రష్యా టెన్నిస్ స్టార్ మరియ షరపోవా సైతం కోబ్ బ్రయంట్ ఆకస్మిక మృతి పట్ల సంతాపం వ్యక్తం చేసింది. తను కష్టాల్లో ఉన్నప్పుడు కోబ్ ఎంతో సహాయం చేశాడని ట్వీట్ చేసింది. ‘కోబ్, గిగి(కోబ్ కూతురు) మీ మరణ వార్తతో నా గుండె పగిలింది. ఈ వార్తను జీర్ణించుకోలేకపోతున్నా. కష్టాల్లో ఉన్నప్పుడు నా పట్ల నీవు చూపించిన ఔదార్యాన్ని ఎప్పటికీ మరవలేను కొబ్. నేను ఎప్పటికీ మీకు కృతజ్ఞురాలిని. నా హృదయం మీతో,మీ అందమైన కుటుంబంతో ఉంది.'అని సంతాపం వ్యక్తం చేసింది.
డియర్ బిగ్ బ్రో..
జపాన్ స్టార్ నవోమి ఒసాకా సైతం కోబ్ బ్రయంట్ మృతి పట్ల దిగ్భ్రాంతి వ్యక్తం చేసింది. కవితా రూపంలో ట్వీటర్ వేదికగా తన సంతాపాన్ని వ్యక్తం చేసింది.
Continue with Google