'కోహ్లీ ఆర్థిక సహాయం చేయకుంటే.. ఏం సాధించేవాడిని కాదు'

సహాయం చేయకుంటే..:

విరాట్ కోహ్లీ ముంబైలో 'విరాట్ కోహ్లీ ఫౌండేషన్'ను స్థాపించిన విషయం తెలిసిందే. ఈ ఫౌండేషన్ ఎంతో మంది అథ్లెట్లు, ఆటగాళ్లకు ఆర్థిక సహాయం అందించింది. అలా సాయం అందుకున్న వాళ్లలో సుమిత్ కూడా ఉన్నాడు. ఈ విషయాన్ని ఇటీవలే ఓ ఆంగ్ల పత్రికకు ఇఛ్చిన ఇంటర్వ్యూలో సుమిత్ తెలిపాడు. '2017 నుంచి విరాట్ కోహ్లీ ఫౌండేషన్ సహాయం చేస్తోంది. ఆర్థిక ఇబ్బందుల కారణంగా అంతకు ముందు రెండుళ్లు సరిగ్గా ప్రాక్టీస్ చేయలేకపోయా. కోహ్లీ నాకు సహాయం చేయకపోయి ఉంటే.. ఏం సాధించేవాడిని కాదు' అని సుమిత్ పేర్కొన్నాడు.

క్రీడలను ప్రోత్సహించాలి;

'ఈ ఏడాది ఆరంభంలో కెనడా నుంచి జర్మనీ వెళ్లేప్పుడు నా జేబులో కేవలం ఆరు డాలర్లు మాత్రమే ఉన్నాయి. అదీ ఆ సహాయం అందాకే. అంటే గతంలో ఎలాంటి కష్టాలు ఎదురుకున్నానో అర్ధం చేసుకోండి. కోహ్లీ నుంచి సహాయం పొందడం నా అదృష్టం. ఇప్పుడు నా పరిస్థితులు బాగున్నాయి. క్రీడాకారులను ప్రోత్సహించడానికి జనాలు ముందుకు రావాలి. క్రీడలను అందరూ ప్రోత్సహించాలి' అని సుమిత్ విజ్ఞప్తి చేసాడు.

సొంత గడ్డపై టెస్ట్ ఆడలేదు.. దానికోసం ఎదురుచూస్తున్నా: విహారి

ఫెద‌ర‌ర్‌కు షాక్:

యూఎస్‌ ఓపెన్‌ తొలి రౌండ్‌లో సుమిత్ అద్భుత ఆటతో 6-4 తేడాతో తొలి సెట్‌ను సొంతం చేసుకున్నాడు. అయితే అనంతరం వరుస సెట్‌లలో ఫెద‌ర‌ర్‌ పుంజుకోవడంతో 4-6, 6-1, 6-2, 6-4 తేడాతో సుమిత్ ఓటమిని చవిచూశాడు. సుమిత్ రెండో సెట్‌లో తేలిపోయినా.. మూడో సెట్‌లో గట్టి పోటీ ఇచ్చాడు. గ్రాండ్‌స్లామ్‌ మెయిన్‌ డ్రాలో గత 20 ఏళ్లలో ఓ సెట్‌ గెలుచుకున్న నాలుగో భారత ఆటగాడిగా సుమిత్‌ రికార్డుల్లో నిలిచాడు. ఫెద‌ర‌ర్ లాంటి స్టార్ ఆట‌గాడిపై భార‌తీయ టెన్నిస్ ప్లేయ‌ర్ ఓ సెట్ గెల‌వ‌డం గొప్ప విషయం.