French Open 2025: సబలెంకా శుభారంభం

ప్రతిష్టాత్మక ఫ్రెంచ్ ఓపెన్ 2025 టెన్నిస్ టోర్నీలో టాప్ సీడ్, బెలారస్ ప్లేయర్ అరీనా సబలెంకా శుభారంభం చేసింది. ఆదివారం జరిగిన మహిళల సింగిల్స్ తొలి రౌండ్‌లో సబలెంకా 6-1, 6-0 తేడాతో రష్యా ప్లేయర్ కమీలా రఖిమోవాపై విజయం సాధించింది. పూర్తిగా ఏకపక్షంగా సాగిన మ్యాచ్‌లో సబలెంక 5 ఏస్‌లు, 30 విన్నర్లు కొట్టింది. మరో ఐదుసార్లు ప్రత్యర్థి సర్వీస్‌ను బ్రేక్ చేసింది. గంటలోనే ముగిసిన ఈ మ్యాచ్‌లో సబలెంకా పూర్తి ఆధిపత్యం చెలాయించింది. ఆమె తదుపరి రౌండ్‌లో జిల్ టెచ్‌మాన్‌తో తలపడనుంది.

ఇతర మహిళల సింగిల్స్ మ్యాచ్‌లో ఎలినా స్విటోలినా 6-1, 6-1తో జైనెప్ సోన్‌మెజ్‌పై, విక్టోరియా ఎంబోకో 6-1, 7-6 (7-4) లూలు సన్‌పై, జెండా పావోలిని 6-1, 4-6, 6-3తో యువాన్ యుపై, జెంగ్ కిన్వెన్ (నెం. 8 సీడ్) 6-4, 6-3తో అనస్తాసియా పావ్ల్యుచెంకోవాపై, ఓల్గా డానిలోవిచ్ 6-3, 6-1తో లీలా ఫెర్నాండెజ్‌పై, అనా సిమ్నోవా 6-3, 4-1తో నినా స్టోజనోవిచ్‌పై విజయం సాధించారు. గాయం కారణంగా స్టోజనోవిచ్‌ మధ్యలోనే తప్పుకుంది.

పురుషుల సింగిల్స్‌ తొలి రౌండ్‌లో ఇటలీ ప్లేయర్, ఎనిమిదో సీడ్ లొరెంజో ముసెట్టి 7-5, 6-2, 6-0తో యానిక్ హన్ఫ్‌మన్‌(జర్మనీ)పై విజయం సాధించాడు. మరో మ్యాచ్‌లో 12వ సీడ్ టామీ పాల్(అమెరికా)6-7(5/7), 6-2, 6-3, 6-1తో మోలెర్(డెన్మార్క్‌)పై గెలుపొందాడు. ఇతర మ్యాచ్‌ల్లో ఫ్రాన్సెస్ టియాఫో (నెం. 15 సీడ్) 6-4, 7-5, 6-4తో- రోమన్ సఫియులిన్‌పై, మార్టన్ ఫుక్సోవిక్స్6-4, 6-2, 6-2 ట్రిస్టాన్ స్కూల్‌కేట్‌పై విజయం సాధించారు.

ఫ్రెంచ్ ఓపెన‌లోని నేటి ప్రధాన మ్యాచ్‌ల షెడ్యూల్..

మహిళల సింగిల్స్:

1. ఇగా స్వియాటెక్ (Iga Swiatek) [నెం. 5 సీడ్] vs రెబెక్కా స్రామ్‌కోవా (Rebecca Sramkova): మధ్యాహ్నం 3:30 గంటలకు ప్రారంభం.

2. పౌలా బడోసా (Paula Badosa) [నెం. 10 సీడ్] vs నవోమి ఒసాకా (Naomi Osaka): (మహిళల సింగిల్స్, స్వియాటెక్ మ్యాచ్ తర్వాత)

3. మ్యాడిసన్ కీస్ (Madison Keys) [నెం. 7 సీడ్] vs డారియా సావిల్ (Daria Saville) [క్వాలిఫైయర్]: (మహిళల సింగిల్స్, ఫ్రిట్జ్ మ్యాచ్ తర్వాత)

పురుషుల సింగిల్స్:

1. జానిక్ సిన్నర్ (Jannik Sinner) [నెం. 1 సీడ్] vs ఆర్థర్ రిండర్‌నెచ్ (Arthur Rinderknech): రాత్రి 11:45 గంటల తర్వాత

2. కార్లోస్ అల్కరాజ్ (Carlos Alcaraz) [నెం. 2 సీడ్] vs గియులియో జెప్పెరి (Giulio Zeppieri) [క్వాలిఫైయర్]: ( మధ్యాహ్నం 2:30 గంటలకు ప్రారంభమయ్యే మ్యాచ్‌ల తర్వాత)

3. కరోలిన్ గార్సియా (Caroline Garcia) vs బెర్నార్డా పెరా (Bernarda Pera): (మహిళల సింగిల్స్, అల్కరాజ్ మ్యాచ్ తర్వాత)

4. కాస్పర్ రూడ్ (Casper Ruud) [నెం. 7 సీడ్] vs ఆల్బర్ట్ రామోస్-వినోలస్ (Albert Ramos-Vinolas) [క్వాలిఫైయర్]: మధ్యాహ్నం 2:30 గంటలకు ప్రారంభం.

5. టేలర్ ఫ్రిట్జ్ (Taylor Fritz) [నెం. 4 సీడ్] vs డేనియల్ ఆల్ట్‌మైర్ (Daniel Altmaier): (పురుషుల సింగిల్స్, రూడ్ మ్యాచ్ తర్వాత)