ట్విట్టర్లో వీడియోని పోస్టు చేసిన క్లియ్స్టర్స్
గురువారం తన ట్విట్టర్లో క్లియ్స్టర్స్ ఓ వీడియోని పోస్టు చేస్తూ "ఏడేళ్లుగా పూర్తి సమయం అమ్మగా బాధ్యతలు నిర్వర్తించా. దాంతో పాటు టెన్నిస్ క్రీడాకారిణిగా కూడా ఉండడం నాకెంతో ఇష్టం. 2020లో మిమ్మల్ని కోర్టులో కలవబోతున్నా" అనే కామెంట్ను పోస్టు చేసింది. 1997లో ప్రోపెషనల్ టెన్నిస్ ప్లేయర్గా మారిన క్లియ్స్టర్స్ తొలిసారి 2005లో యుఎస్ ఓపెన్ టైటిల్ విజేతగా నిలిచింది.
23 ఏళ్ల వయసులోనే తొలిసారి
అమెరికన్ బాస్కెట్ బాల్ ప్లేయర్ బ్రియాన్ లించ్ను పెళ్లాడిన తర్వాత 23 ఏళ్ల వయసులో 2007లో తొలిసారి టెన్నిస్కు వీడ్కోలు పలికింది. రెండేళ్లు విరామంలో ఓ బిడ్డకు జన్మనిచ్చిన క్లియ్స్టర్స్ తిరిగి రాకెట్ పట్టింది. 2009లో మళ్లీ రెండోసారి యుఎస్ ఓపెన్ టైటిల్ను నెగ్గింది. తల్లైన తర్వాత క్లియ్స్టర్స్ నెగ్గిన తొలి గ్రాండ్ స్లామ్ టైటిల్.
పెను ప్రమాదం తప్పింది: బంతి తాకి మైదానంలోనే కుప్పకూలిన ఆండ్రీ రసెల్
ఓ బిడ్డకు జన్మనిచ్చిన తర్వాత
ఓ బిడ్డకు జన్మనిచ్చిన తర్వాత గ్రాండ్ స్లామ్ టైటిల్ నెగ్గిన రెండో మహిళా టెన్నిస్ ప్లేయర్గా క్లియ్స్టర్స్ అరుదైన ఘనత సాధించింది. అంతకముందు 1980లో ఎవోన్నే గూలాగోంగ్ తొలిసారి వింబుల్డన్ టైటిల్ నెగ్గింది. మొత్తంగా క్లియ్స్టర్స్ మూడు సార్లు యుఎస్ ఓపెన్ టైటిల్ విజేతగా నిలవగా... ఆస్ట్రేలియన్ ఓపెన్లో ఒకసారి విజేతగా నిలిచింది.