Click it and Unblock the Notifications
14 నుంచి షురూ..
స్కూల్ డేస్ నుంచి ఖోఖోపై ఇష్టం ఉండటంతో ఈ ఆటనే కెరీర్గా ఎంచుకున్నాడు. కెప్టెన్గా కర్నాటక జట్టుకు నేషనల్స్లో గోల్డ్ అందించాడు. 2013-14 ఫెడరేషన్ కప్లో గోల్డ్ నెగ్గాడు. కాగా, ఖోఖో ఫెడరేషన్ ఆఫ్ ఇండియా ఆధ్వర్యంలో జరిగే ఈ ప్రొఫెషనల్ లీగ్ ఈ నెల 14 నుంచి పుణెలో జరుగుతోంది. జీఎంఆర్ గ్రూప్ ఆధ్వర్యంలోని తెలుగు యోధాస్ గత నెలలో జరిగిన ప్లేయర్ల డ్రాఫ్ట్లో 22 మందిని జట్టులోకి తీసుకుంది.
టోర్నీ ఫార్మాట్ ఏంటంటే..?
ఆరు ఫ్రాంచైజీలు ముంబై, ఒడిశా, చెన్నై, రాజస్తాన్, గుజరాత్, హైదరాబాద్ల మధ్య ఈ సీజన్ పోటీలు ఈ నెల 14 నుంచి సెప్టెంబర్ 4 వరకు జరుగనున్నాయి. లీగ్ దశలో ఒక్కో జట్టు ఇతర ఫ్రాంచైజీలతో రెండేసి మ్యాచ్లు ఆడుతుంది. అనంతరం ఐపీఎల్ తరహాలో ‘ప్లేఆఫ్స్' నిర్వహిస్తారు. సెప్టెంబర్ 4న జరిగే ఫైనల్తో ఈ సీజన్ ముగుస్తుంది. మ్యాచ్లన్నీ పుణేలోని ఛత్రపతి శివాజీ స్పోర్ట్స్ కాంప్లెక్స్లో నిర్వహిస్తారు.
ఫ్రీగా చూడాలంటే..
సోనీ నెట్వర్క్ చానెల్లో, సోనీ లివ్ యాప్లో ఖో-ఖో పోటీలు ప్రసారం అవుతాయి. జియో టీవీ, ఎయిర్టెల్ టీవీ మొబైల్ యాప్ ద్వారా ఈ మ్యాచ్లను ఎలాంటి డబ్బులు చెల్లించకుండా ఫ్రీగా చూడవచ్చు. తెలుగు యోధాస్ జట్టు 14న తమ తొలి మ్యాచ్లో చెన్నైతో తలపడుతుంది.
జట్టు వివరాలు
అటాకర్: ఆదర్శ్ దత్తాత్రే, ఆదిత్య దాస్, కేసీ ధనుశ్, గవర వెంకటేశ్, పి.హేమచంద్రన్, కె.ప్రజ్వల్, రోక్సన్ సినమ్, సచిన్ భార్గో, సదానంద తోక్చోమ్, వి.సుబ్రమణి; డిఫెండర్: భరత్ అవధూత్, బొజ్జం రంజిత్, దీపక్ విఠల్, ధ్రువ్, వైభవ్ ప్రసాద్, సుదర్శన్; ఆల్రౌండర్: అనుకూల్ సర్కార్, అరుణ్ అశోక్, ఎస్.అరుణ్, సంబి బాల, కిరణ్ ప్రతీక్, రోహన్ తనాజీ
Continue with Google