Tokyo 2020: జమైకా పరుగుల వీరుడి స్వర్ణం వెనుక తెలుగు సినిమాను మించిన కథ!

ఆ వీడియోలో ఏం చెప్పాడంటే..?

'సెమీఫైనల్‌కు ముందు నేను దారి తప్పిపోయాను. చెవిలో ఇయర్ ఫోన్స్ పెట్టుకుని పాటలు వింటూ ఓ బస్సు ఎక్కాను. అయితే హెడ్‌ఫోన్స్‌తో మ్యూజిక్‌ను అస్వాదిస్తుండటంతో ఆ బస్సులోని ఇతరులు మాట్లాడే మాటలు వినపడలేదు. కానీ బస్సు ఎక్కే ముందు ట్రాక్ అండ్ అథ్లెటిక్స్ అని రాసి ఉన్నట్లు కనిపించింది. కొద్దిసేపటికి నేను వేరే మార్గంలో వెళుతున్నట్టు అర్థమైపోయింది. చుట్టుపక్కన ఉన్నవి నాకు తెలియవు. అలా బస్సు ఎక్కి వేరే స్టేడియానికి వెళ్లిపోయా. అక్కడ రోయింగ్​ పోటీలు జరుగుతున్నాయి. అక్కడున్న అధికారులను అడిగితే.. మళ్లీ ఒలింపిక్స్​ విలేజ్‌కు వెళ్లి.. అక్కడి నుంచి ఇంకో బస్సు ఎక్కాల్సిందే అన్నారు.

నా పనైపోయిందనుకున్నా..

నేనే గనుకు అది చేసుంటే టైమ్ సరిపోయేది కాదు. ఒలింపిక్స్​ కోసం ప్రత్యేకంగా ఏర్పాటు చేసిన ట్యాక్సీ తీసుకునేందుకు ప్రయత్నించా. కానీ ఇక్కడి కఠిన నిబంధనల వల్ల సాధ్యం కాలేదు. దాంతో నేను మరింత టెన్షన్‌కు గురయ్యా. చేతులారా నా కలను సాకారం చేసుకునే అవకాశం కోల్పోతున్నానని బాధపడ్డా. కానీ అక్కడే ఉన్న ఓ వాలంటీర్ నాకు సాయం చేసింది. నా పరిస్థితిని అర్థం చేసుకొని ట్యాక్సీ ఏర్పాటు చేసింది. డబ్బులు కూడా ఇచ్చింది.

నా కలను నెరవేర్చుకున్నా..

అలా సమయానికి సరైన స్టేడియంకు వెళ్లాను. ప్రాక్టీస్​ చేయగలిగాను. బంగారు పతకం సాధించి నా కలను నెరవేర్చుకున్నాడు. ఆ మహిళా వాలంటీర్ సాయం వల్లే ఇది సాధ్యమైంది. ఆమె కోసం వెతికాను. కొన్నిరోజుల తర్వాత కనిపించింది. ఆమె దగ్గరకు వెళ్లి నా గోల్డ్ మెడల్ చూపిస్తూ.. ఇది నీ వల్లే సాధ్యమైందని థ్యాంక్స్ చెప్పాను ఓ టీ షర్ట్‌తో పాటు కొంత డబ్బులు కూడా ఇచ్చి సెల్ఫీ కూడా దిగాను'అని హాన్స్​లే పార్చ్​మెంట్​ చెప్పుకొచ్చాడు.

అలా.. మెడల్ ప్రమాదం నుంచి బయటపడ్డ హాన్స్​లే.. ఒలింపిక్స్​ పురుషుల 110మీటర్ల హర్డిల్స్​లో ప్రపంచ చాంపియన్​ గ్రాంట్​ హాల్లోవేను ఓడించి సంచలనం సృష్టించాడు. పార్చ్​మెంట్​.. 13.04 సమయంతో పసిడిని ముద్దాడగా.. హాల్లోవే 13.09తో సిల్వర్​ దక్కించుకున్నాడు.