CWG 2022: దూసుకెళ్తున్న భారత్.. రజతం గెలిచిన వెయిట్ లిఫ్టర్ వికాస్!

భారత్ 12

స్వర్ణం సాధించిన సమోవాకి చెందిన డాన్ ఓపెలోగ్ మూడు రికార్డులు బ్రేక్ చేశాడు. స్నాచ్ రౌండ్‌లో 171 కేజీలు ఎత్తేసిన డాన్ ఓపెలోగ్, క్లీన్ అండ్ జెర్క్ రౌండ్‌లో 210 కేజీలు ఎత్తి పడేశాడు. దీంతో 381 కేజీలతో సరికొత్త రికార్డు క్రియేట్ చేశాడు... టాప్‌లో నిలిచిన డాన్‌కి, వికాస్ ఠాకూర్‌కి మధ్య 35 కేజీల తేడా ఉండడం విశేషం. వికాస్ సింగ్ విజయంతో భారత పతకాల సంఖ్య 12కి చేరింది. ఇందులో ఐదు స్వర్ణాలు, నాలుగు రజతాలు, మూడు కాంస్య పతకాలు ఉన్నాయి.

పసిడితో మెరిసిన టీటీ టీమ్..

డిఫెండింగ్ ఛాంపియన్‌గా బరిలో దిగిన భారత పురుషుల టేబుల్ టెన్నిస్ టీమ్ పసిడితో మెరిసింది. మంగళవారం జరిగిన ఫైనల్లో సింగపూర్‌పై విజయం సాధించి, వరుసగా రెండో ఏడిషన్‌లోనూ గోల్డ్ మెడల్ సాధించింది. డబుల్స్‌లో హర్మీత్ దేశాయ్- జీ సాథియన్ జోడి, సింగపూర్ డబుల్స్ జోడి యంగ్ ఇజాక్ క్వెక్- యో ఎన్ కోన్ పంగ్‌పై 13-11, 1-7, 11-5 తేడాతో విజయం సాధించి... టీమిండియాకి 1-0 తేడాతో ఆధిక్యం అందించింది. అయితే ఆ తర్వాతి మ్యాచ్‌లో భారత స్టార్ టీటీ ప్లేయర్ శరత్ కమాల్, తన ప్రత్యర్థి క్లెరెన్స్ చ్యూతో జరిగిన మ్యాచ్‌లో 11-7, 12-14, 11-3, 11-9 తేడాతో పోరాడి ఓడిపోయాడు...

దీంతో ఫైనల్ స్కోరు 1-1 తేడాతో సమం అయ్యింది. ఆ తర్వాత కొన్ పంగ్‌ని 12-10, 7-11, 11-7, 11-4 తేడాతో విజయాన్ని అందుకున్న జీ సాథియన్.. భారత్‌కి 2-1 తేడాతో ఆధిక్యం అందించాడు. ఆ తర్వాత హర్మీత్ దేశాయ్, క్లెరెన్స్ చ్యూతో జరిగిన మ్యాచ్‌లో 11-8, 11-5,11-6 తేడాతో విజయాన్ని అందుకుని 3-1 తేడాతో భారత టీటీ టీమ్‌కి గోల్డ్ మెడల్ అందించాడు...

భారత మహిళలకు ఓటమి..

అంతకుముందు ఇంగ్లండ్‌తో జరిగిన మ్యాచ్‌లో భారత మహిళా హాకీ జట్టు 1-3 తేడాతో పరాజయం పాలైంది. గ్రూప్ స్టేజీలో రెండు విజయాలు అందుకున్న భారత మహిళా హాకీ జట్టుకు ఇది తొలి పరాజయం. రేపు వరల్డ్ 15 ర్యాంకర్ కెనడాతో ఫైనల్ గ్రూప్ మ్యాచ్ ఆడనుంది టీమిండియా. టాప్ 2లో ముగించి నాకౌట్ స్టేజీకి అర్హత సాధించాలంటే రేపటి మ్యాచ్‌లో కచ్ఛితంగా విజయం సాధించాలి.

నయా చరిత్ర..

భారత వుమెన్స్ లాన్ బౌల్స్ టీమ్ చరిత్ర సృష్టించింది. ఏ మాత్రం అంచనాలు లేకుండా, పెద్దగా ఎవ్వరికీ పరిచయం లేని ఈవెంట్‌లో అంచనాలకు మించి రాణించిన భారత లాన్ బౌల్స్ టీమ్, ఫైనల్‌లో మూడు సార్లు ఛాంపియన్‌ టీమ్ సౌతాఫ్రికాని 17-10 తేడాతో ఓడించి... స్వర్ణం కైవసం చేసుకుంది...