గెలిచిన సంతోషంలో ఫొటోగ్రాఫర్‌కు ముద్దు పెట్టిన క్రొయేషియా ప్లేయర్

సోషల్ మీడియాలో ఫోటోలు వైరల్

ఇందుకు సంబంధించిన ఫోటోలు ఇప్పుడు సోషల్ మీడియాలో వైరల్ అవుతున్నాయి. ఆట 109వ నిమిషం(ఎక్స్‌ట్రా టైమ్)లో మారియో మండ్జుకిక్‌ గోల్‌ కొట్టాడు. ఆ ఆనందంలో అతడు సంబరాలు చేసుకుంటూ బౌండరీ లైన్‌ వద్దకు వచ్చాడు. అదే సమయంలో ఫొటోగ్రాఫర్‌ యూరీ కార్టజ్‌ తన కెమెరా లెన్స్‌ మార్చుకుంటున్నాడు.

మారియో వచ్చి అనుకోకుండా యూరీపై పడ్డాడు

అదే సమయంలో మారియో వచ్చి అనుకోకుండా యూరీపై పడటంతో ఇద్దరూ కింద పడిపోయారు. ఈ క్రమంలో మారియో తన సంబరాలను ఆపలేదు. యూరీతోనే కలిసి సంబరాలు చేసుకున్నాడు. ఇద్దరూ కలిసి నవ్వుకుంటూ ఫొటోలు దిగారు. అనంతరం మారియో.. యూరీని పైకి లేపగా మరో ఆటగాడు కింద పడిపోయిన లెన్స్‌ను యూరీ చేతికిచ్చాడు.

యూరీ కోసం ప్రత్యేకంగా ఫొటోలకు ఫోజులు

ఆ తర్వాత ఆటగాళ్లంతా యూరీ కోసం ప్రత్యేకంగా ఫొటోలకు ఫోజులిచ్చారు. ఈ మ్యా‌చ్‌లో రెండు జట్లు అంచనాలు లేకుండానే బరిలోకి దిగినప్పటికీ క్రొయేషియానే విజయం సాధించడం విశేషం. ఆట ప్రారంభమైన 5 నిమిషాలకే ఇంగ్లాండ్‌ ఆటగాడు కీరన్‌ ట్రిప్పర్‌ గోల్‌కొట్టి తమ జట్టును ఆధిక్యంలో నిలిపాడు.

తొలి అర్దభాగంలో ఒకే ఒక్క గోల్

దీంతో తొలి అర్దభాగంలో ఒకే ఒక్క గోల్ నమోదైంది. ఇక, రెండో అర్ధభాగంలో క్రొయేషియా ఆటగాడు ఇవాన్‌ పెరిసిక్‌ 68వ నిమిషంలో గోల్‌ కొట్టి జట్టు స్కొరును సమం చేశాడు. ఇక అదనపు సమయంలో మారియో మండ్జుకిక్‌ 109 నిమిషంలో గోల్‌ చేసి క్రొయేషియాను విజయ తీరాలకు చేర్చాడు. 1998 వరల్డ్ కప్‌లో సెమీఫైనల్‌ చేరుకోవడమే క్రొయేషియా జట్టు అత్యుత్తమ ప్రదర్శన కావడం విశేషం.