ఓటమితో వరల్డ్‌కప్ నిష్క్రమణ: అభిమానులను క్షమాపణ కోరిన సలాహ్

ప్రత్యర్ధి జట్టు గోల్ పోస్టుపై దాడి చేసిన మహమ్మద్ సలాహ్

టోర్నీలో భాగంగా ఈజిప్ట్ ఆడిన చివరి లీగ్ మ్యాచ్‌ ఆరంభం నుంచి మహమ్మద్ సలాహ్ వరుసగా ప్రత్యర్ధి జట్టు గోల్ పోస్టుపై దాడి చేశాడు. సలాహ్ ఆటతీరుతో స్టేడియంలోని ఈజిప్టు అభిమానుల కేరింతలుకొట్టారు. మ్యాచ్ 22వ నిమిషంలో సౌదీ గోల్‌కీపర్ యాసిర్ అలీ మొసాలెమ్‌ను బోల్తాకొట్టిస్తూ గోల్ కొట్టాడు. దీంతో ఈజిప్ట్ 1-0 ఆధిక్యంలోకి దూసుకెళ్లింది.

రెండో పెనాల్టీని ఆపలేకపోయిన ఈజిప్టు గోల్‌కీపర్

ఆ తర్వాత తొలిపెనాల్టీని ఆపిన ఈజిప్టు గోల్‌కీపర్ తొలి అర్ధభాగం ఇంజ్యూరీ సమయంలో సౌదీకి లభించిన రెండో పెనాల్టీని మాత్రం ఆపలేకపోయాడు. ఎంతో ఒత్తిడితో కూడిన ఆ సమయంలో సౌదీ ఫుట్‌బాలర్ సాల్మన్ అల్‌ఫర్జా పెనాల్టీని గోల్‌గా మలిచి 1-1తో స్కోరు సమం చేశాడు. ఇక రెండో అర్ధభాగంలోనూ రెండు జట్లూ హోరాహోరీగా పోరాడాయి. ఈ మ్యాచ్‌లో గెలిచి విజయంతో స్వదేశం చేరాలన్న లక్ష్యంతో రెండుజట్లూ అద్భుతంగా పోరాడాయి.

ఇంజ్యూరి సమయంలో గోల్ కొట్టిన సలీమ్ అల్దాస్రి

మ్యాచ్ చివరకు డ్రా దిశగా సాగుతున్నట్లు కనిపించింది. అనుకున్నట్లే రెండో అర్ధభాగం ముగిసినా గోల్ నమోదు కాలేదు. అయితే, ఇంజ్యూరి సమయం (90+6)లో సౌదీ ఆటగాడు సలీమ్ అల్దాస్రి గోల్ కొట్టాడు. దీంతో ఈజిప్ట్‌పై సౌదీ అరేబియా 2-1 తేడాతో విజయం సాధించింది. దీంతో సౌదీ అరేబియా ఆటగాళ్లు సంబరాలు చేసుకోగా... ఈజిప్ట్ ఆటగాళ్లు మాత్రం నిరాశగా మైదానాన్ని వీడారు.

అత్యధిక వయసు ఉన్న ఫుట్‌బాలర్‌గా ఎస్సామ్ అల్ హదరీ

ఇదిలా ఉంటే ఈ మ్యాచ్‌తో వరల్డ్ కప్‌‌లో అత్యధిక వయసు ఉన్న ఫుట్‌బాలర్‌గా ఈజిప్ట్ గోల్‌కీపర్ ఎస్సామ్ అల్ హదరీ (45 ఏండ్ల 165 రోజులు) రికార్డు నెలకొల్పాడు. గతంలో కొలంబియా గోల్‌కీపర్ ఫారీ మోండ్రోగాన్ (43 ఏళ్ల 3 రోజులు)వయసులో 2014 ఫిఫా ప్రపంచకప్‌లో జపాన్ తరఫున ప్రాతినిథ్యం వహించాడు.