పనాజీ: స్కాటిష్ డిఫెండర్ డాన్నీ ఫాక్స్ తన అరంగేట్ర సీజన్లోనే ఎస్సీ ఈస్ట్ బెంగాల్ జట్టు సారథిగా ఎంపికయ్యాడు. ఈ విషయాన్ని ఆ జట్టు కోచ్ రాబీ ఫౌలర్ గురువారం మీడియాకు తెలిపాడు. ఐరిష్ మిడ్ఫీల్డర్ అంటోనీ పిల్కింగ్టన్ డ్యానీ ఫాక్స్కు డిప్యూటీగా వ్యవహరిస్తాడన్నాడు. 'గత కొంత కాలంగా డాన్నీ ఫాక్స్ గురించి బాగా తెలుసుకున్నాను. అతనికి నాయకత్వ లక్షణాలున్నాయనేవి నా గట్టి నమ్మకం.
మా ట్రైనింగ్ టైమ్ రెండు వారాల్లోనే అతను ఇతర ఆటగాళ్ల నమ్మకాన్ని సంపాదించాడు. మా జట్టు మొత్తం సారథులతోనే నిండి ఉంది. వారిలో డానీ కూడా ఒకడు. నేను అతన్ని పూర్తిగా నమ్ముతున్నా. ప్రతిష్టాత్మకమైన మా ఫస్ట్ మ్యాచ్లో ఈస్ట్ బెంగాల్ జట్టు నడిపించే సత్తా అతనికి ఉంది. అతనితో నేను చాలా సేపు మాట్లాడాను. జట్టుకు విజయాన్నందించాలనే ఆకలితో ఉన్నాడు. 'అని ఇంగ్లండ్ లెజెండ్, బెంగాల్ కోచ్ రాబీ ఫౌలెర్ తెలిపాడు. ఇక ప్రీమియర్ లీగ్ చరిత్రలోనే అత్యధిక గోల్స్ సాధించిన ఆటగాళ్లలో ఫౌలర్ ఒకడనే విషయం తెలిసిందే.
ఇక కెప్టెన్సీ అనేది చాలా పెద్ద బాధ్యతని, తనపై పెట్టిన నమ్మకాన్ని కోల్పోనని డాన్నీ ఫాక్స్ తెలిపాడు. 'ఇది చాలా పెద్ద బాధ్యత. జట్టును నడిపించేందుకు సిద్ధంగా ఉన్నా.రాబీ ఫౌలర్ నాపై తన నమ్మకాన్ని చూపించాడు. అతన్ని ఎట్టి పరిస్థితుల్లో నిరాశపరచను. జట్టుతో బాగా కలిసిపోయా'అని ఫాక్స్ చెప్పుకొచ్చాడు. శుక్రవారం కోల్కతాకే చెందిన ఏటీకే మోహన్ బగాన్ జట్టుతో ఎస్సీ ఈస్ట్ బెంగాల్ తలపడుతుంది. ఈ రెండు జట్ల మధ్య పోరును ఆసియాలోనే ప్రతిష్టాత్మకంగా భావిస్తారు.
“This is a big responsibility and I am ready for it. The Gaffer has shown his trust in me and I will not let him down."#Skipper #JoyEastBengal #JoySCEastBengal #ChhilamAchiThakbo #WeAreSCEB pic.twitter.com/nwprOeHgN6
— SC East Bengal (@sc_eastbengal) November 26, 2020