బంబోలిమ్: ఇండియన్ సూపర్ లీగ్(ఐఎస్ఎల్) ఏడో సీజన్లో ముంబై సిటీ ఎఫ్సీ మరో గ్రాండ్ విక్టరీ సాధించింది. బిపిన్ సింగ్(38వ నిమిషం, 47వ నిమిషం, 86వ నిమిషం) హ్యాట్రిక్ గోల్స్తో చెలరేగడంతో బుధవారం ఇక్కడ జరిగిన మ్యాచ్లో ముంబై 6-1తో ఒడిశా ఎఫ్సీని చిత్తుగా ఓడించింది. బిపిన్ ఈ సీజన్లో ఫస్ట్ హ్యాట్రిక్ సాధించిన ప్లేయర్గా నిలవగా.. బార్త్లోన్యూఒబెచె(13వ నిమిషం), గోడార్ట్(44వ నిమిషం) ముంబైకి గోల్స్ అందించారు.
9వ నిమిషంలో దొరికిన పెనాల్టీ కార్నర్ను డిగో మొరిచ్ గోల్గా మలచడంతో ఒడిశా 1-0తో మ్యాచ్ను దూకుడుగా మొదలుపెట్టింది. కానీ నాలుగు నిమిషాల తర్వాత ఒబెచె గోల్ సాధించడంతో స్కోర్లు సమం అయ్యాయి. ఆ తర్వాత ముంబై స్ట్రయికర్లు వరుస పెట్టి గోల్స్ కొట్టి ఒడిశాకు మరో చాన్స్ ఇవ్వకుండా మ్యాచ్ ఫినిష్ చేశారు.