బ్రహ్మరథం పట్టారు: ఊహించని రీతిలో గ్రాండ్ వెల్‌కమ్ (వీడియో)

Grand welcome for the Croatian heroes as they return home

హైదరాబాద్: రష్యా వేదికగా జరిగిన ఫిఫా వరల్డ్ కప్‌లో రన్నరప్‌గా నిలిచి సాకర్ అభిమానుల మనసులు గెలిచిన క్రొయేషియా జట్టుకు స్వదేశంలో ఘన స్వాగతం లభించింది. వరల్డ్ కప్ అనంతరం స్వదేశానికి చేరుకున్న క్రొయేషియా ఆటగాళ్లకు ఊహించని రీతిలో దేశ అధికారులు, అభిమానులు ఘన స్వాగతం పలికారు.

వరల్డ్ కప్‌లో ఏరోజు ఏమ్యాచ్ | వరల్డ్ కప్‌ 2018 పాయింట్ల పట్టిక | వరల్డ్ కప్ 2018 పూర్తి షెడ్యూల్

ఫిఫా వరల్డ్ కప్ టోర్నీలో గోల్డెన్‌ బాల్‌ (బెస్ట్‌ ప్లేయర్‌) అందుకున్న లుకా మోడ్రిచ్‌తో కరచాలనం చేసేందుకు క్రొయేషియా ప్రజలు పోటీపడ్డారు. దేశ రాజధాని జాగ్రిబ్‌ నగరంలో ఓపెన్‌ టాప్‌ బస్సులో వచ్చిన ఆటగాళ్లకు కరతాళ ధ్వనులతో, ప్లేయర్ల పేర్ల నినాదాలతో గ్రాండ్‌‌గా వెల్‌కమ్ చెప్పారు.

రష్యా నుంచి నేరుగా రాజధానికి చేరుకున్న ఆటగాళ్లను అక్కడి ప్రభుత్వం ఓపెన్ టాప్ బస్సులో ఊరేగించింది. ఈ సందర్భంగా నగరంలోని ప్రధాన కూడళ్లలో క్రొయేషియా వాసులు జాతీయ గీతాన్ని ఆలపించారు. ఇందుకు సంబంధించిన వీడియోలు సోషల్‌ మీడియాలో వైరల్‌ అవుతున్నాయి.

క్రొయేషియాకు ఇంత పెద్ద ఎత్తున ఘన స్వాగతం లభించడానికి కారణం ఉంది. సరిగ్గా 50 లక్షల జనాభా కూడా లేని క్రొయేషియా వరల్డ్ కప్ టోర్నీలో హేమాహేమీ జట్లను ఓడించి ఫైనల్‌కు చేరింది. గత ఆదివారం మాస్కాలోని లుజ్నికి స్టేడియంలో జరిగిన వరల్డ్ కప్ ఫైనల్లో ఫ్రాన్స్ చేతిలో 4-2తేడాతో ఓటమిపాలైంది.

ఫైనల్లో పటిష్ట ఫ్రాన్స్‌ జట్టుతో చివరివరకూ పోరాడిన క్రొయేషియా ఆటగాళ్లు ఇప్పుడు దేశంలో సూపర్‌ స్టార్లు అయ్యారు. ఇప్పుడు క్రొయేషియాలో ఎక్కడ చూసినా ఫుట్‌బాల్‌ ఆటగాళ్ల ఘనత గురించే మాట్లాడుకుంటున్నారు. ఫిఫా వరల్డ్ కప్ చరిత్రలో ఇప్పటివరకు ఫైనల్‌ చేరిన జట్లలో క్రొయేషియా (20)దే పెద్ద ర్యాంకు కావడం విశేషం.

1998 వరల్డ్‌ కప్‌లో ఫ్రాన్స్‌ 18వ ర్యాంకుతో బరిలో దిగి టైటిల్‌ నెగ్గడం విశేషం. రష్యా వేదికగా జరిగిన వరల్డ్ కప్‌లో ఒకవేళ ప్రాన్స్ నెగ్గి ఉంటే అత్యధిక ర్యాంకుతో బరిలోకి కప్‌ సాధించిన జట్టుగా నిలిచి ఫ్రాన్స్‌ పేరిట ఉన్న రికార్డును బద్దలు కొట్టేదే. ఫిఫా వరల్డ్ కప్‌లో క్రొయేషియా జట్టు ఆద్యంతం తన ప్రదర్శనతో సాకర్ అభిమానులను ఆకట్టుకుంది.

ఐసీసీ క్రికెట్ వరల్డ్‌కప్ 2019 Predictions
Match 34 - June 27 2019, 03:00 PM
వెస్టిండిస్
ఇండియా
Predict Now
For Quick Alerts
ALLOW NOTIFICATIONS
For Daily Alerts

మైఖేల్‌లో ఫాంటసీ పుట్‌బాల్ ఆడండి. బహుమతులు గెలవండి

Story first published: Wednesday, July 18, 2018, 18:41 [IST]
Other articles published on Jul 18, 2018
+ మరిన్ని
POLLS

Get breaking news alerts from myKhel

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more