హ్యాట్రిక్ గోల్స్: రొనాల్డో ఖాతాలో అరుదైన రికార్డు

గోల్ కొట్టి మ్యాచ్ సమం చేసిన డిగో కోస్టా

ఆ తర్వాత స్పెయిన్‌ ఆటగాడు డిగో కోస్టా 24వ నిమిషంలో గోల్‌ చేసి మ్యాచ్‌ను సమం చేశాడు. ఈ క్రమంలో రొనాల్డో మరింత దూకుడు ప్రదర్శించి 44వ నిమిషంలో మరో గోల్‌ అందించి మ్యాచ్‌ను 2-1 ఆధిక్యంలో తీసుకెళ్లాడు. అనంతరం 55వ నిమిషంలో స్పెయిన్‌ ఆటగాడు డిగో కోస్టా మరోసారి గోల్‌తో మెరిపించాడు.

58వ నిమిషంలో గోల్‌ కొట్టిన నాచో

ఆ తర్వాత నాచో 58వ నిమిషంలో గోల్‌ అందించి స్పెయిన్‌ ఆధిక్యాన్ని 3-2కు పెంచాడు. మరికొన్ని క్షణాల్లో మ్యాచ్ ముగుస్తుందనుకున్న సమయంలో రోనాల్డో చెలరేగిపోయాడు. 88వ నిమిషంలో ఫ్రీ కిక్‌తో గోల్ చేసి మ్యాచ్‌ను సమం చేశాడు. ఫలితంగా మ్యాచ్ డ్రాగా ముగియడంతో పాటు స్పెయిన్ ఆశలపై నీళ్లు చల్లాడు.

8వ నిమిషంలోనే తొలి గోల్‌

పోర్చుగల్‌ తరఫున 8వ నిమిషంలోనే తొలి గోల్‌ కొట్టిన రొనాల్డో అరుదైన రికార్డును తన ఖాతాలో వేసుకున్నాడు. ఈ క్రమంలో వరుసగా నాలుగు వరల్డ్‌కప్‌లలో హ్యాట్రిక్ గోల్‌ కొట్టిన ఆటగాళ్ల జాబితాలో రొనాల్డో(2006, 2010, 2014, 2018) చేరాడు. వరుసగా నాలుగు వరల్డ్‌కప్‌లలో హ్యాట్రిక్ గోల్‌ కొట్టిన ఘనత ఇప్పటివరకూ ముగ్గురు ఆటగాళ్లు మాత్రమే ఉన్నారు.

v

అరుదైన జాబితాలో క్రిస్టియానో రొనాల్డో

ఈ జాబితాలో అందరికంటే ముందు జర్మనీ మాజీ ఆటగాడు యూ సీలర్‌ ఉన్నాడు. ఇతను వరుసగా 1958, 1962, 1966, 1970 వరల్డ్‌కప్‌ల్లో గోల్‌ కొట్టాడు. అతని తర్వాత బ్రెజిల్‌ మాజీ దిగ్గజ క్రికెటర్ పీలే ఉన్నాడు. మూడో స్థానంలో జర్మనీకే చెందిన మిరోస్లావ్‌ క్లోసే ఉన్నాడు. ఇతను 2002, 2006, 2010, 2014లో వరుసగా వరల్డ్‌కప్‌ల్లో గోల్‌ కొట్టాడు. తాజాగా వీరి జాబితాలోకి పోర్చుగల్‌ స్టార్‌ ప్లేయర్ రొనాల్డో చేరాడు.