Click it and Unblock the Notifications
ప్లీజ్.. మా కాపురంలో నిప్పులు పోయకండి..
ఇక విడాకుల వార్తలను ఈ ఇద్దరూ ఖండించారు. దయచేసి తమ కాపురంలో నిప్పులు పోయవద్దని సోషల్ మీడియా వేదికగా అభిమానులను అభ్యర్థించారు. ఇంతటితో ఈ ప్రచారాన్ని ఆపేయాలని వేడుకున్నారు. ముందుగా యుజ్వేంద్ర చాహల్ ఇన్స్టాలో అభిమానులను కోరాగా.. ఆ తర్వాత అదే పోస్ట్ను ధనశ్రీ వర్మ షేర్ చేసింది. దాంతో వారి విడాకుల వార్తలు పుకార్లేనని స్పష్టమైంది. అయితే వీరి విడాకుల వార్తల నేపథ్యంలో ఈ ఇద్దరి లవ్ స్టోరీ కూడా చర్చనీయాంశమైంది. వీరి ప్రేమ కథను తెలుసుకునేందుకు నెటిజన్లు తెగ ఆసక్తి చూపుతున్నారు.
ఇద్దర్నీ కలిపిన లాక్డౌన్
అంతర్జాతీయ క్రికెటర్ అయిన చాహల్కు ఓ సాధారణ యూట్యూబర్, డ్యాన్సర్ అయిన ధనశ్రీ వర్మ ఎక్కడ కలిసిందని, వీరి పరిణయం ఎలా మొదలయ్యిందో అనే విషయాలను తెలుసుకునేందుకు నెటిజన్లు ఆసక్తి కనబరుస్తున్నారు. అయితే వీరి లవ్ స్టోరీ అందరిలానే సినిమాను తలపించేలా ఉంది. రెండేళ్ల క్రితం కరోనా కారణంగా వచ్చిన లాక్డౌన్ అందర్ని ఇళ్లకు పరిమితం చేస్తే.. చాహల్, ధనశ్రీలను మాత్రం ఒక్కటి చేసింది. లాక్డౌన్లో ఇంటికే పరిమితమైన చాహల్ సోషల్ మీడియా వేదికగా అభిమానులను అలరించే ప్రయత్నం చేశాడు. తనదైన పోస్ట్లతో ఆకట్టుకున్నాడు.
టీచర్.. టీచర్.. అంటూనే..
అయితే డ్యాన్స్లతో మరింత చేరువ కావాలనుకున్న చాహల్.. డ్యాన్స్ నేర్చుకునేందుకు నెట్టింటిని ఆశ్రయించాడు. అప్పుడు ధనశ్రీ వర్మ వీడియోలను చూసి ఫిదా అయ్యాడు. ఆమె దగ్గర డ్యాన్స్ నేర్చుకోవాలని భావించిన చాహల్.. వెంటనే ఆ పనిని ప్రారంభించాడు. అప్పటికే డ్యాన్ అకాడమీ పెట్టి ఆన్లైన్ వేదికగా ధనశ్రీ డ్యాన్స్ నేర్పిస్తుంది. దాంతో చాహల్ పని సులువైంది. ఆన్లైన్ వేదికగా డ్యాన్ క్లాస్లకు హాజరవుతూ.. తన చతురత, సరదా మాటలతో తన డ్యాన్స్ టీచర్ను బుట్టలో వేసుకున్నాడు. డ్యాన్స్ క్లాస్లు ముగుస్తాయనే సందర్భంలో ధైర్యం చేసిన చాహల్.. ధనశ్రీకి ప్రపోజ్ చేశాడు.
పెళ్లికి ముందే..
ఆమె వెంటనే ఓకే చెప్పడంతో మనోడు సినిమా హీరోల గంతేసాడు. అప్పటి నుంచి ఇద్దరూ తమ డ్యాన్స్తో సోషల్ మీడియాను షేక్ చేశారు. ధోనీ ఫ్యామీలితో కలిసి దిగిన ఫొటోను షేర్ చేసిన చాహల్ ధనశ్రీని పెళ్లి చేసుకోబోతున్నట్లు ప్రకటించాడు. 2020 డిసెంబర్ 22 ఈ ఇద్దరూ వివాహ బంధంతో ఒక్కటయ్యారు. పెళ్లికాక ముందే చాహల్తో ధనశ్రీ ఐపీఎల్ 2020 సీజన్ కోసం దుబాయ్కి వచ్చింది. గ్యాలరీలో ఫన్ చేస్తూ చాహల్ను ఎంకరేజ్ చేసింది. అలా ఒక్కటైన ఈ జంట చాలా అన్యోన్యంగా ఉంటుంది. ఇది నచ్చని కొందరు ఆకతాయిలు వారి బంధంపై పుకార్లు పుట్టించారు.
Continue with Google