Click it and Unblock the Notifications
హేలీ మాథ్యూస్ ఆల్రౌండ్ షో
అనంతరం లక్ష్యచేధనకు దిగిన ముంబై ఇండియన్స్ 14.2 ఓవర్లలోనే వికెట్ నష్టానికి 159 పరుగులు చేసి సునాయస విజయాన్నందుకుంది. హేలీ మాథ్యూస్(38 బంతుల్లో 13 ఫోర్లు, సిక్స్తో 77 నాటౌట్), నాట్ సివర్ బ్రంట్(29 బంతుల్లో 9 ఫోర్లు, సిక్స్తో 55 నాటౌట్) అజేయ హాఫ్ సెంచరీలతో రాణించారు. ఆర్సీబీ బౌలర్లలో ప్రీతి బోస్ ఒక్కరే ఒక వికెట్ తీయగా.. మిగతా బౌలర్లు దారుణంగా విఫలమయ్యారు. హీలీ మాథ్యూస్ ఆల్రౌండ్ షోతో ఆర్సీబీ పతనాన్ని శాసించింది.
ఓపెనర్ల శుభారంభం..
156 పరుగుల సాధారణ లక్ష్యంతో బరిలోకి దిగిన ముంబై ఇండియన్స్కు ఓపెనర్లు హీలీ మాథ్యూస్, యస్తికా భాటియా(19 బంతుల్లో 4 ఫోర్లతో 23) శుభారంభం అందించారు. ఆరంభం నుంచి ఆర్సీబీ బౌలర్లపై ఎదురుదాడికి దిగిన ఈ జోడీ తొలి వికెట్కు 45 పరుగులు జోడించింది. ప్రీతి బోసే బౌలింగ్లో యస్తికా భాటియా ఎల్బీగా వెనుదిరిగినా.. క్రీజులోకి వచ్చిన నాట్ సివర్ బ్రంట్తో కలిసి హీలీ మాథ్యూస్ చెలరేగింది. దాంతో ముంబై పవర్ ప్లేలో వికెట్ నష్టానికి 54 పరుగులు చేసింది. అనంతర మరింత ధాటిగా ఆడిన మాథ్యూస్.. ఆర్సీబీ బౌలర్లను చెడుగుడు ఆడింది.
చెలరేగిన సీవర్ బ్రంట్..
వరుస బౌండరీలతో ముంబై స్కోర్ బోర్డును పరుగెత్తింది. మరోవైపు నాట్ సివర్ కూడా ధాటిగా ఆడటంతో ముంబై స్కోర్ బోర్డు పరుగెత్తింది. 26 బంతుల్లో హాఫ్ సెంచరీ పూర్తి చేసుకున్న మాథ్యూస్.. డబ్ల్యూపీఎల్లో తొలి అర్థ శతకాన్ని అందుకుంది. అనంతరం మరింత ధాటిగా ఆడిన ఈ జోడీ పోటాపడి బౌండరీలు బాదింది. శ్రేయాంక పాటిల్ వేసిన 13వ ఓవర్లో బ్రంట్ వరుసగా ఫోర్ సిక్స్ బాదగా.. మాథ్యూ రెండు బౌండరీలు బాదింది. దాంతో ఈ ఓవర్లో 20 పరుగులు వచ్చాయి. ఇక 28 బంతుల్లో నాట్ సివర్ హాఫ్ సెంచరీ సాధించింది. ఆ మరుసటి బంతినే బౌండరీకి తరలించి ముంబై విజయా లాంఛనాన్ని పూర్తి చేసింది.
Continue with Google