World Cup 2023: ఉప్పల్ మ్యాచ్‌లు.. ఏ జట్లు ఏయే హోటల్లో ఉంటాయంటే..?

హైదరాబాద్: ఎప్పుడెప్పుడా అని ఎదురుచూస్తున్న వన్డే ప్రపంచకప్ 2023 సమయం ఆసన్నమైంది. మరో వారం రోజుల్లో ఈ మెగా టోర్నీకి తెరలేవనుంది. ఇప్పటికే ప్రపంచకప్ బరిలోకి దిగే ఆయా జట్లు భారత్ చేరి ప్రాక్టీస్ మొదలుపెట్టాయి. వామప్ మ్యాచ్‌లు శుక్రవారం నుంచి ప్రారంభం కానున్నాయి. హైదరాబాద్ వేదికగా రెండు వామప్ మ్యాచ్‌లు.. మూడు ప్రధాన మ్యాచ్‌లు జరగనున్నాయి.

సెప్టెంబర్ 29 శుక్రవారం న్యూజిలాండ్, పాకిస్థాన్ జట్ల మధ్య వామప్ మ్యాచ్ జరగనుంది. ఈ మ్యాచ్ నేపథ్యంలో ఇరు జట్లు ఈ రోజు రాత్రి 10 గంటలకు హైదరాబాద్ చేరుకోనున్నాయి.