Click it and Unblock the Notifications
ధావన్ కంటే ఇషాన్ గొప్పోడా?
కేఎల్ రాహుల్ రూపంలో బ్యాకప్గా కేఎల్ రాహుల్ ఉండగా.. ఇషాన్ కిషన్ను ఎందుకు ఎంపిక చేశారని ప్రశ్నిస్తున్నారు. ఇషాన్ బదులు శిఖర్ ధావన్ను తీసుకోవాల్సిందని అభిప్రాయపడుతున్నారు. ఆసియేతర దేశాల్లో, మెగాటోర్నీల్లో శిఖర్ ధావన్కు మంచి రికార్డుందని గుర్తు చేస్తున్నారు. అయితే ధావన్ను పక్కన పెట్టడానికి ప్రధాన కారణం అతని నెమ్మదైన బ్యాటింగేనని క్రికెట్ విశ్లేషకులు అభిప్రాయపడుతున్నారు. శిఖర్ ధావన్ బ్యాటింగ్లో నిలకడ ఉంటుందని.. కానీ ఆరంభంలో అతని బ్యాటింగ్ నెమ్మదిగా సాగుతుంది.
వ్యక్తిగత జీవితం..
క్రీజులో నిలుదొక్కుకున్న తర్వాత తనదైన శైలిలో వేగంగా ఆడడం ధావన్ స్టైల్. కానీ టీ20లు అంటేనే మెరుపులకు పెట్టింది పేరు. ధావన్ మంచి ఆటగాడే అయినప్పటికీ బంతులు ఎక్కువగా తీసుకుంటాడని.. అది ఆటకు సరిపోదనే అభిప్రాయం వ్యక్తమవుతోంది. ఈ నేపథ్యంలోనే ధావన్ స్థానంలో ఇషాన్ కిషన్ను మూడో ఓపెనర్గా ఎంపిక చేసినట్లు తెలుస్తోంది. తాజాగా ధావన్ వ్యక్తిగత జీవితం కూడా అతని ఎంపికపై ప్రభావం చూపినట్లు ఫ్యాన్స్ పేర్కొంటున్నారు. ధావన్, అయేషా ముఖర్జీలు తొమ్మిదేళ్ల వైవాహిక జీవితం అనంతరం విడాకులు తీసుకోవడం అతని కెరీర్పై కూడా ప్రభావం చూపించే అవకాశం ఉందంటున్నారు.
ధావన్ను తీసుకోవాల్సిందే..
వాస్తవానికి 35 ఏళ్ల శిఖర్ ధావన్ లంక పర్యటనతో పాటు ఐపీఎల్ 2021 సీజన్లో మంచి ప్రదర్శనను కనబరిచాడు. ముఖ్యంగా ఐపీఎల్లో ఢిల్లీ క్యాపిటల్స్కు ఆడుతున్న శిఖర్ ధావన్ 8 మ్యాచ్ల్లో 380 పరుగులతో టాప్ స్కోరర్గా ఉన్నాడు. అంతేకాదు లంక పర్యటనలోనూ అటు కెప్టెన్సీలోనూ.. ఇటు బ్యాటింగ్లోనూ మంచి ప్రదర్శనను కనబరిచాడు.
ఇవీ గాక ధావన్కు ఐసీసీ టోర్నమెంట్లో మంచి రికార్డు ఉంది. 2013 చాంపియన్స్ ట్రోపీని భారత్ గెలవడంలో శిఖర్ ధావన్ పాత్ర కీలకం. ఆ టోర్నీలో టీమిండియా ఓపెనర్గా రాణించిన ధావన్ టాప్ స్కోరర్గా నిలిచి ప్లేయర్ ఆఫ్ ది టోర్నీగా నిలిచాడు. ఇక బ్యాకప్ ఓపెనర్గా శిఖర్ ధావన్ సరిపోతాడనేది చాలా మంది అభిప్రాయం. ఇషాన్ కిషన్కు మంచి స్ట్రైక్ రేట్ ఉండొచ్చు.. కానీ అనుభవంలో మాత్రం ధావన్కు పోటీగా రాలేడని ఫ్యాన్స్ భావిస్తున్నారు.
అరబ్ గడ్డపై చెలరేగితే..
ప్రస్తుతానికి జట్టును ప్రకటించినా... ఐసీసీ నిబంధనల ప్రకారం అక్టోబర్ 10 వరకు టీమ్లో మార్పుచేర్పులు చేయవచ్చు. ఐపీఎల్ ముగిశాక అక్కడి ప్రదర్శనను బట్టి లేదా గాయాలవంటి కారణాలతో చివరి నిమిషంలో మార్పులకు చాన్స్ ఉంది. కాబట్టి దుబాయ్ గడ్డపై ధావన్ చెలరేగితే అతన్ని జట్టులోకి తీసుకోవచ్చు. భారత్లో చూపించిన ఫామ్నే అక్కడ కొనసాగిస్తే గబ్బర్కు తిరుగుండదు.
Continue with Google