Eng vs Aus: వారెవ్వా స్టార్క్ వాటే స్టార్ట్.. తొలి రెండు బంతులకే రెండు వికెట్లు! (వీడియో)

చెలరేగిన బెయిర్ స్టో ..

0/2 క్లిష్టస్టితిలో ఇంగ్లండ్‌ను కెప్టెన్ ఇయాన్ మోర్గాన్‌తో కలిసి మరో ఓపెనర్ బెయిర్ స్టో గట్టెక్కించాడు. ఆచితూచి ఆడుతూ వీలు చిక్కిన బంతిని బౌండరీకి తరలించాడు.

హజల్ వుడ్ వేసిన రెండో ఓవర్ ఐదో బంతితో బౌండరీల ఖాతా తెరిచిన బెయిర్ స్టో.. ఐదో ఓవర్‌లో వరుసగా రెండు ఫోర్లు కొట్టి స్కోర్ బోర్డు వేగాన్ని పెంచాడు. ఇక కమిన్స్ వేసిన ఏడో ఓవర్ రెండో బంతిని అద్భుతంగా సిక్సర్‌గా మలిచాడు. మరోవైపు మోర్గాన్ కూడా ధాటిగా ఆడటం మొదలుపెట్టాడు. దీంతో ఇంగ్లండ్ 10 ఓవర్లు ముగిసే సరికి 2 వికెట్లకు 67 రన్స్ చేసింది.

దెబ్బతీసిన జంపా..

ప్రమాదకరంగా మారుతున్న ఈ జోడీని ఆసీస్ స్పిన్నర్ ఆడమ్ జంపా కెప్టెన్ మోర్గాన్‌ను ఔట్ చేసి విడదీసాడు. మిడాఫ్ దిశగా భారీ షాట్ ఆడిన మోర్గాన్(23) స్టార్క్ చేతికి చిక్కి పెవిలియన్ చేరాడు. దీంతో మూడో వికెట్‌కు నమోదైన 67 పరుగుల భాగస్వామ్యానికి తెరపడింది. అనంతరం క్రీజులోకి వికెట్ కీపర్ జోస్ బట్లర్ రాగా.. ఆసీస్ బౌలర్లు కట్టుదిట్టంగా బౌలింగ్ చేయడంతో పరుగుల వేగం తగ్గింది. ఈ క్రమంలో కమిన్స్ వేసిన 16వ ఓవర్ ఐదో బంతిని మిడ్ వికెట్ మీదుగా బౌండరీకి తరలించిన బెయిర్ స్టో.. హాఫ్ సెంచరీ పూర్తి చేసుకున్నాడు. అయితే కొద్దిసేపటికే జంపా బౌలింగ్‌లో బట్లర్(8) క్యాచ్ ఔట్‌గా వెనుదిరిగాడు.

సామ్ బిల్లింగ్స్ సాయంతో..

క్రీజులోకి వచ్చిన సామ్ బిల్లింగ్స్‌ సాయంతో బెయిర్ స్టో ఇన్నింగ్స్‌ను ముందుకు నడిపిస్తున్నాడు. ఈ ఇద్దరు నిలకడగా ఆడుతూ మరో వికెట్ పడకుండా జాగ్రత్తపడుతున్నారు. ఇప్పటికే 10 ఫోర్లు బాదిన బెయిర్ స్టో సెంచరీ దిశగా దూసుకెళ్తున్నాడు. ప్రస్తుతానికి 29 ఓవర్లలో ఇంగ్లండ్ నాలుగు వికెట్లకు 154పరుగులు చేసింది. క్రీజులో బెయిర్ స్టో(86), బిల్లింగ్స్(23) ఉన్నారు. ప్రస్తుతానికి స్టోక్స్, జంపా రెండేసి వికెట్లు తీశారు.