కింగ్ కోహ్లీ డ్యాన్స్ స్టెప్స్ చూసి పొట్టచెక్కలయ్యేలా నవ్విన జడేజా.. వీడియో వైరల్!

Viral Video: టీమిండియా స్టార్ క్రికెట్, మాజీ కెప్టెన్ విరాట్ కోహ్లీ స్టేడియంలో ఉన్నంతసేపు తనదైన హుషారుతో ప్రత్యేక ఆకర్షణగా నిలుస్తుంటాడు. వెస్టిండీస్ జట్టుతో ముల్లన్‌పూర్‌లో జరిగిన మూడో వన్డేలో బ్యాటింగ్‌లో నిరాశపరిచినప్పటికీ.. స్టేడియంలో తన సరదా ప్రవర్తనతో అభిమానులను, సహచర ఆటగాళ్లను అమితంగా అలరించాడు. డ్రింక్స్ బ్రేక్ సమయంలో విరాట్ కోహ్లీ, యువ క్రికెటర్ యశస్వి జైస్వాల్‌కు సరదాగా కొన్ని డ్యాన్స్ స్టెప్పులు నేర్పించగా.. దానికి సంబంధించిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది.

ధోనీ బాటలో గిల్: కెప్టెన్ తీసుకున్న ఆ నిర్ణయం అందరినీ ఆకట్టుకుంది! (వీడియో)

మూడో వన్డే మ్యాచ్‌లో టీమిండియా నిర్దేశించిన 352 పరుగుల భారీ లక్ష్యాన్ని వెస్టిండీస్ ఛేదిస్తున్న క్రమంలో భారత ఆటగాళ్లు డ్రింక్స్ బ్రేక్ కోసం బౌండరీ లైన్ వద్ద గుమిగూడారు. ఆ సమయంలో విరాట్ కోహ్లీ అకస్మాత్తుగా కొన్ని డ్యాన్స్ స్టెప్స్ వేయడం ప్రారంభించాడు. దీన్ని చూసిన యశస్వి జైస్వాల్ కూడా సరదాగా విరాట్ కోహ్లీ చేసిన స్టెప్స్‌ను అనుకరించడానికి ప్రయత్నించాడు. అనంతరం వీరిద్దరూ ఒకరినొకరు చూసుకుంటూ పగలబడి నవ్వారు. పక్కనే ఉన్న రవీంద్ర జడేజా కూడా వీరి హడావిడిని చూసి నవ్వు ఆపుకోలేకపోయాడు. కెమెరాలో బంధించిన ఈ దృశ్యాలు ఎంతగానో ఆకట్టుకుంటున్నాయి.

అయితే ముల్లన్‌పూర్ వన్డే బ్యాటింగ్ విషయంలో విరాట్ కోహ్లీకి అస్సలు కలిసి రాలేదు. భారత ఇన్నింగ్స్ మూడో ఓవర్లోనే వెస్టిండీస్ పేసర్ జేడెన్ సీల్స్ వేసిన అద్భుత బంతికి విరాట్ కోహ్లీ బౌల్డ్ అయ్యాడు. తన వన్డే కెరీర్లో విరాట్ కోహ్లీ గోల్డెన్ డక్ కావడం ఇది కేవలం నాలుగోసారి మాత్రమే. డిసెంబర్ 2019 తర్వాత ఆయన మొదటి బంతికే పెవిలియన్ చేరడం మళ్లీ ఇదే తొలిసారి. యాదృచ్ఛికంగా 2019లో కూడా వెస్టిండీస్ జట్టు పైనే కీరన్ పొలార్డ్ బౌలింగ్‌లో విరాట్ కోహ్లీ గోల్డెన్ డక్ గా వెనుదిరగడం విశేషం.

Also Read

అసలు వాళ్లు మన రేంజా అస్సలు కాదు.. ఇకనైనా పోలికలు ఆపేయండి సామీ!

విరాట్ కోహ్లీ మ్యాచ్ మధ్య డ్యాన్స్ చేస్తూ కనిపించడం కొత్తేమీ కాకపోయినా.. ఈ సారి యంగ్ ప్లేయర్ యశస్వి జైస్వాల్‌ను అందులో భాగం చేయడమే ప్రత్యేకంగా నిలిచింది. మరోవైపు రాబోయే 2027 వన్డే ప్రపంచ కప్‌లో విరాట్ కోహ్లీ, రోహిత్ శర్మ ఆడే విషయంపై కెప్టెన్ శుభ్‌మన్ గిల్ స్పందిస్తూ సానుకూల సంకేతాలు ఇచ్చాడు. ఈ ఇద్దరు దిగ్గజ ఆటగాళ్ల అనుభవం, ఫామ్‌పై జట్టుకు పూర్తి నమ్మకం ఉందని శుభ్‌మన్ గిల్ వెల్లడించాడు.