విరుష్క నెట్‌వర్త్ ఎంతో తెలుసా? దేశంలోనే రిచెస్ట్ సెలెబ్రిటీ జోడీ!

షాంపూ అడ్వర్టైజ్‌మెంట్ కోసం..

2013లో షాంపూ అడ్వర్టైజ్‌మెంట్ కోసం తొలిసారి కలుసుకున్న అనుష్క, విరాట్ ఆ తర్వాత నాలుగేళ్లు ప్రేమలో మునిగి 2017లో వివాహబంధంతో ఒక్కటయ్యారు. వివాహమైనా అనుష్క తన కెరీర్‌ను కొనసాగించింది. ఇప్పటి వరకు ఈ ఇద్దరూ సంతోషంగా గడిపారు. తమ జీవితంలో మధురమైన క్షణాలను

గడిపేందుకు సిద్దమవుతున్నారు. ప్రస్తుతం గర్భవతి అయిన అనుష్క.. జనవరిలో తమ తొలి బిడ్డకు జన్మనివ్వనుంది. సతీమణితో ఈ ఆనంద క్షణాలను ఆస్వాదించేందుకు ఆస్ట్రేలియా టూర్‌లో ఉన్న విరాట్ పెటర్నిటీ లీవ్ మీద భారత్‌కు రానున్నాడు. అయితే ఈ ఇద్దరి సంపాదనలో ప్రధాన భాగం అడ్వర్టైజ్‌మెంట్స్ ఒప్పందం ద్వారా వచ్చేవే.

కోహ్లీ నెట్ వర్త్ రూ.1000 కోట్లు!

2019 ఫోర్బ్స్ లెక్కల ప్రకారం, విరాట్ కోహ్లీ నెట్‌వర్త్ సుమారు రూ. 252.72 కోట్లు. టాప్-100 సెలెబ్రెటీస్‌లో ఒకడు. అయితే ఇతర నివేదికలు మాత్రం విరాట్ నికర విలువ సుమారు రూ.900 కోట్లుగా ఉంటుందని పేర్కొన్నాయి. విరాట్ కోహ్లీ సంపాదనలో ప్రధాన భాగం తన సొంత వ్యాపార పెట్టుబడులు, ప్రచారకర్తగా చేసుకున్న ఒప్పందాల నుంచే వస్తోంది. క్రికెట్‌పరంగా.. బీసీసీఐ నుంచి ఏడాదికి రూ.7 కోట్లు ఆర్జిస్తున్న విరాట్.. ఐపీఎల్‌లో ఆర్సీబీ నుంచి 18 కోట్లు తీసుకుంటున్నాడు. అతనికి రెండు రెస్టారెంట్స్ కూడా ఉన్నాయి.

అనుష్కా సంపాదన 350 కోట్లు..

ఇక ఫోర్బ్స్ లెక్కల ప్రకారం గతేడాది అనుష్కా నెట్‌వర్త్ రూ.28.67 కోట్లు.. కాగా.. 2018లో 45.83 కోట్లు. ఇక ఓవరాల్‌గా ఆమె నికర ఆదాయం రూ.350 కోట్లకు పైగానే ఉంటుంది. అయితే 2018 నుంచి ఆమె ఎలాంటి సినీ ఒప్పందాలు కుదుర్చుకోకపోవడం ఆదాయం తగ్గింది. కానీ సినీ నిర్మాణ రంగంలో అడుగుపెట్టింది. ఇక విరుష్కకు ముంబైలో రూ.34 కోట్లు విలువ చేసే లగ్జరీ అపార్ట్‌మెంట్ ఉంది. గూర్గాన్‌లో రూ. 80 కోట్ల విలువ చేసే ఆస్థులున్నాయని కూడా ప్రచారం జరుగుతోంది.