సోషల్‌ మీడియాలో వైరల్‌.. మునుపెన్నడూ చూడని గెటప్‌లో ధోనీ

జైపూర్‌ విమానాశ్రయంలో మహీ:

తాజాగా మహీ మరో కొత్త లుక్‌తో జైపూర్‌ విమానాశ్రయంలో దర్శనమిచ్చాడు. జైపూర్‌లో ఓ వేడుకకు మహీ శనివారం హాజరయ్యాడు. అక్కడ తన స్నేహితులు, అభిమానులతో కలిసి ఫొటోలకు పోజులిచ్చాడు. ఆదివారం ఉదయం వేడుకకు హాజరై వస్తూ మీడియాకి చిక్కాడు. మహీ తలకు నల్లటి బంధన్‌ కట్టుకుని కనిపించాడు. విమానాశ్రయంలో ధోనీని చూసిన అభిమానులు అతడిని కలవడానికి ప్రయత్నించారు. అక్కడే ఉన్న సెక్యూరిటీ గార్డులు అందరిని పక్కకు పంపుతూ మహీకి దారిచ్చారు.

సోషల్‌ మీడియాలో వైరల్‌:

ఇక విమానాశ్రయం వెలుపల జనం భారీగా ఉండటంతో మహీని తన కారులో తీసుకురావడానికి భద్రతా సిబ్బంది చాలా కష్టపడాల్సి వచ్చింది. మునుపెన్నడూ చూడని గెటప్‌లో ఉన్న మహీ ఫొటోలు, వీడియోలు ప్రస్తుతం సోషల్‌ మీడియాలో విపరీతంగా వైరల్‌ అవుతున్నాయి. మహీ అభిమానులు ఫొటోలు, వీడియోలను తెగ షేర్ చేస్తున్నారు. కొత్త లుక్‌లో మహీ బాగున్నాడని అభిమానులు ప్రశంశిస్తున్నారు.

యాడ్‌ షూటింగ్‌ కోసం ముంబై:

వెస్టిండీస్‌ పర్యటనకు రెండు నెలలు విరామం ప్రకటించిన మహీ.. భారత సైన్యంలో చేరి విధులు నిర్వర్తించిన విషయం తెలిసిందే. లెఫ్ట్‌నెంట్‌ కల్నల్‌ అయిన మహీ.. 15 రోజులు లెహ్‌లో విధులు నిర్వర్తించాడు. అక్కడ గార్డ్, పెట్రోలింగ్ లాంటి విధుల్లో భాగమయ్యాడు. తాజాగా విధుల నుండి విరామం తీసుకొన్న మహీ.. ఇంటికి తిరిగి వచ్చాడు. అనంతరం ఓ యాడ్‌ షూటింగ్‌ కోసం ముంబై వెళ్లాడు.

అత్యంత చెత్త రికార్డు: 95 నిమిషాలు.. 45 బంతులు.. 0 పరుగులు

చివరి రోజున సియాచెన్‌కు:

మహీ కాశ్మీర్‌లో పెట్రోలింగ్ మరియు గార్డు విధుల్లో బాగమయ్యాడు. అక్కడ ఒక సాధారణ సైనికుడి జీవితాన్ని గడిపాడు. అంతేకాదు అక్కడి సైన్యంతో వాలీ బాల్ ఆడడం, పాటలు పాడడం, ఉపన్యాసాలు ఇవ్వడం వంటివి చేసాడు. తన అనుభవాలను అక్కడి రెజిమెంట్‌ సభ్యులతో పంచుకున్నాడు. స్వాతంత్ర్య దినోత్సవానికి ముందే లేహ్‌ను సందర్శించిన మహీ.. ఆగస్టు 15న ఫార్వర్డ్ పోస్టు వద్ద జాతీయ జెండాను ఎగురవేశాడు. విధుల్లో భాగంగా తన చివరి రోజున సియాచెన్ హిమానీ నదంను సందర్శించాడు. అక్కడ సైనికులు నివసించే క్లిష్ట పరిస్థితుల గురించి తెలుసుకున్నాడు.