కామెంటేటర్లతో చిట్ చాట్.. అమితాబ్‌తో క్విజ్.. ఐపీఎల్ కోసం జియో భారీ ప్లాన్స్!

మైదానంలో ఉన్నట్లు..

మ్యాచ్‌లన్నీ 4కే రిజల్యూషన్‌లో క్వాలిటీగా ప్రసారం కానున్నాయి. ఓ మ్యాచ్‌ను పూర్తిగా చూసేందుకు 2జీబీ డేటా అవసరమవుతుందని కూడా టెక్ నిపుణులు వెల్లడిస్తున్నారు. ఇంగ్లీష్, హిందీతో పాటు 12 ప్రాంతీయ భాషలతో కూడిన కామెంట్రీతో ఐపీఎల్ ప్రసారం కానుంది. ఈ నిర్ణయంతో ఇప్పటి వరకు రాని భాషల్లో కూడా ఐపీఎల్ మ్యాచ్‌లు ప్రసారం కానున్నాయి. 360 డిగ్రీస్‌లో మ్యాచ్‌ను ప్రత్యక్ష ప్రసారం చేయనున్నారు. అంతేకాకుండా వీఆర్ టెక్నాలజీతో మైదానంలో ఉండి మ్యాచ్‌లు చూసే ఫీలింగ్ అభిమానులకు కలిగించనున్నారు.

నచ్చిన కెమెరా యాంగిల్‌లో..

టీవీ కెమెరామెన్ చూపించిన యాంగిల్‌లోనే కాకుండా నచ్చిన కెమెరా యాంగిల్ నుంచి మ్యాచ్‌ను చూసే వెసులు బాటు జియో సినిమా యాప్‌లో కల్పించనున్నారు. స్టంప్ యాంగిల్ నుంచి ఆటను చూడాలనుకుంటే యాప్ ద్వారా సెలెక్ట్ చేసుకొని మ్యాచ్ చూడవచ్చు. అంతేకాకుండా కామెంటేటర్లతో నేరుగా చిట్ చాట్ చేసే అవకాశం కూడా కల్పించనున్నారు. వివాదాస్పద ఔట్లు, అంపైడ్ తప్పుడు నిర్ణయాలపై అప్పటికప్పుడే కామెంటేటర్లతో మాట్లాడే వెసులుబాటు కూడా ఉండనుంది. ఛాట్ విత్ కామెంటేటర్ ఆప్షన్‌ ద్వారా ఈ వెసులుబాటును కల్పించనున్నారు.

అమితాబ్‌తో క్విజ్ ప్రోగ్రామ్..

అంతేకాకుండా కౌన్ బనేగా కరోడ్‌పతి తరహాలో బాలీవుడ్ బిగ్ బీ అమితాబ్ బచ్చన్‌తో ఓ లైవ్ క్విజ్ ప్రొగ్రామ్ కూడా ఏర్పాటు చేయడంపై వయాకామ్ 18 ఫోకస్ పెట్టినట్లు తెలుస్తోంది. ఇప్పటికే అమితాబ్‌తో సంప్రదింపులు జరిపినట్లు నేషనల్ మీడియా పేర్కొంది. ఈ క్విజ్‌లో గెలిచిన వారికి భారీ బహుమతులు అందజేయనున్నారు. ఇక ప్లేయర్లు, ఫ్రాంచైజీలు, మ్యాచ్‌లు, రికార్డులకు సంబంధించిన సమగ్ర సమాచారాన్ని గణంకాల రూపంలో తెలుసుకునే వెసులుబాటును కల్పించనున్నారు. ఓటీటీ చరిత్రలోనే కనివినీ ఎరగని రీతిలో మ్యాచ్‌లను ప్రసారం చేయాలని జియో సినిమా భావిస్తోన్నట్లు తెలుస్తోంది.