టీ20ల్లో థాయ్‌లాండ్‌ సరికొత్త రికార్డు.. ఆసీస్‌ రికార్డు బద్దలు

ఆసీస్‌ రికార్డు బద్దలు:

17వ విజయంతో ఆసీస్‌ మహిళల జట్టుపై ఉన్న 16 విజయాల రికార్డును థాయ్‌లాండ్‌ మహిళల జట్టు బద్దలు కొట్టింది. 2018 జూలై నుంచి ఇప్పటివరకూ థాయ్‌లాండ్‌ విజయాల జైత్రయాత్ర కొనసాగుతోంది. ఆసీస్‌ మార్చి 2014 నుండి 2015 వరకు 16 విజయాలను నమోదు చేసింది. ఈ జాబితాలో ఇంగ్లండ్, జింబాంబ్వే సంయుక్తంగా 14 వరుస విజయాలతో ఆసీస్ తర్వాతి స్థానంలో ఉన్నాయి. న్యూజిలాండ్ (12) విజయాలు నమోదు చేసింది.

జింబాబ్వేకు అవకాశం:

నెదర్లాండ్స్‌లో జరిగిన ఐసీసీ ఉమెన్స్ వరల్డ్ ట్వంటీ 20 క్వాలిఫైయర్‌ రెండో ప్లేఆఫ్ సెమీస్‌లో యునైటెడ్ అరబ్ ఎమిరేట్స్ మహిళలను ఏడు వికెట్ల తేడాతో ఓడించిన థాయిలాండ్.. తన విజయాల పరంపరను ప్రారంభించింది. ఈ 17 విజయాలలో యూఏఈని గరిష్టంగా మూడుసార్లు ఓడించింది. ప్రస్తుతం జింబాబ్వే 14 విజయాల పరంపర కొనసాగుతోంది. ఈ నేపథ్యంలో థాయ్‌లాండ్ రికార్డును జింబాబ్వే సమం చేసే అవకాశం ఉంది.

అభిమానులకు శుభవార్త.. రెండో వన్డేకు వరణుడి ముప్పు లేనట్టే!!

మొదటి స్థానంలో అఫ్గానిస్తాన్‌:

శనివారం జరిగిన మ్యాచులో తొలుత నెదర్లాండ్స్‌ను 54 పరుగులకే కూల్చిన థాయ్‌లాండ్‌.. లక్ష్య చేధనను ఎనిమిది ఓవర్లలో పూర్తి చేశారు. థాయ్‌లాండ్‌ పేసర్ నత్తయా బూచటం మూడు వికెట్లు తీసింది. నెదర్లాండ్స్ బ్యాటర్లలో కేవలం ముగ్గురు మాత్రమే రెండంకెల స్కోరును నమోదు చేశారు. ఎనిమిదో స్థానంలో బ్యాటింగ్ చేసిన లియోనీ బెన్నెట్ (16) టాప్ స్కోరర్. ఇక పురుషుల క్రికెట్‌లో అఫ్గానిస్తాన్‌ 11 వరుస విజయాలతో మొదటి స్థానంలో కొనసాగుతోంది. పాకిస్తాన్‌ 9 విజయాలతో రెండో స్థానంలో ఉంది.