T20 World Cup 2022: మార్క్ వుడ్, లివింగ్ స్టోన్ తీన్మార్.. ఐర్లాండ్ బేజార్.. ఇంగ్లండ్ ముందు ఈజీ టార్గెట్!

మెల్‌బోర్న్: టీ20 ప్రపంచకప్ 2022లో భాగంగా ఐర్లాండ్‌తో జరుగుతున్న మ్యాచ్‌లో ఇంగ్లండ్ బౌలర్లు చెలరేగారు. కీలక సమయంలో ఐర్లాండ్ జోరుకు కట్టడి వేసారు. దాంతో ఇంగ్లండ్ ముందు ఐర్లాండ్ 158 పరుగుల లక్ష్యాన్నే నమోదు చేసింది. ఈ మ్యాచ్‌లో ముందుగా బ్యాటింగ్ చేసిన ఐర్లాండ్ 19.2 ఓవర్లలో 157 పరుగులు చేసింది. ఆండీ బాల్బీరైన్(62) హాఫ్ సెంచరీతోరాణించగా.. లోర్కాన్ టక్కర్ 34 పరుగులు చేశాడు.

ఈ ఇద్దరి ధాటికి 11 ఓవర్లలోనే 100 పరుగులు చేసిన ఐర్లాండ్ ఆ తర్వాత వరుసగా వికెట్లు కోల్పోయి సాధారణ స్కోర్‌కే పరిమితమైంది. ఇంగ్లండ్ బౌలర్లలో మార్క్ వుడ్(3/34), లివింగ్ స్టోన్(3/17) మూడేసి వికెట్లతో ఆ జట్టు పతనాన్ని శాసించారు. సామ్ కరన్ రెండు వికెట్లు తీయగా.. బెన్ స్టోక్స్‌కు ఓ వికెట్ పడింది.