Click it and Unblock the Notifications
పాకిస్థాన్ సెమీస్ అవకాశాలు..
పాకిస్థాన్ సెమీస్ రేసులో నిలవాలంటే తదుపరి మ్యాచ్లో బంగ్లాదేశ్పై తప్పనిసరి గెలవాలి. రన్రేట్ మెరుగయ్యేలా ఈ గెలుపు ఉండాలి. అంతేకాకుండా సౌతాఫ్రికా తమ తదుపరి మ్యాచ్లో నెదర్లాండ్స్ చేతిలో ఓడినా.. వర్షంతో రద్దయినా పాకిస్థాన్ సెమీస్ చేరుతోంది. సౌతాఫ్రికా ఇంటిదారిపడుతోంది. సౌతాఫ్రికా నెట్ రన్రేట్ కంటే పాకిస్థాన్ రన్ రేట్ మెరుగ్గా ఉండటం ఆ జట్టుకు కలిసొచ్చే అంశం. ఇక జింబాబ్వే చేతిలో భారత్ ఓడినా పాకిస్థాన్కు సెమీస్ బెర్త్ దక్కుతుంది. ఎందుకంటే భారత్ కంటే పాకిస్థాన్కే మెరుగైన రన్రేట్ ఉంది.
బంగ్లాదేశ్ సెమీస్ చేరాలంటే..
బంగ్లాదేశ్ సెమీస్ రేసులో నిలవాలంటే తదుపరి మ్యాచ్లో పాకిస్థాన్పై తప్పనిసరి గెలవాలి. రన్రేట్ మెరుగయ్యేలా ఈ గెలుపు ఉండాలి. అంతేకాకుండా సౌతాఫ్రికా తమ తదుపరి మ్యాచ్లో నెదర్లాండ్స్ చేతిలో ఓడాలి. వర్షంతో రద్దయితే బంగ్లాదేశ్ రన్ రేట్ కీలకం అవుతోంది. కానీ సౌతాఫ్రికా కంటే బంగ్లాదేశ్ రన్రేట్ చాలా తక్కువగా ఉంది.
కాబట్టి నెదర్లాండ్స్ చేతిలో సౌతాఫ్రికా ఓడితేనే బంగ్లాకు అవకాశం ఉంటుంది. ఇక జింబాబ్వే చేతిలో భారత్ ఓడినా.. బంగ్లాదేశ్ రన్రేట్ మెరుగ్గా ఉంటేనే అవకాశం దక్కుతుంది. కాబట్టి బంగ్లాదేశ్ సెమీస్ చేరాలంటే సౌతాఫ్రికా ఓడిపోవడమే ఆ జట్టుకు కావాలి.
సేఫ్ సైడ్ భారత్..
భారత్ తమ తదుపరి మ్యాచ్లో జింబాబ్వేను ఓడిస్తే ఏ జట్టు సంబంధం లేకుండా సెమీస్ చేరుతోంది. వర్షంతో మ్యాచ్ రద్దయినా ఏడు పాయింట్లతో ముందడుగువేస్తోంది. ఓడితే మాత్రం ఇతర మ్యాచ్ ఫలితాలపై ఆధారపడాల్సి ఉంటుంది. సౌతాఫ్రికా, పాకిస్థాన్ కంటే రన్రేట్ తక్కువగా ఉండటం టీమిండియాను ఇబ్బంది పెట్టే అంశం.
డేంజర్ జోన్లో సౌతాఫ్రికా
నెదర్లాండ్స్పై సౌతాఫ్రికా విజయం సాధిస్తే ఏ జట్టుతో సంబంధం లేకుండా సెమీస్ చేరుతోంది. కానీ వర్షంతో ఈ మ్యాచ్ రద్దయినా.. ఓడినా ఆ జట్టు ఇంటి బాట పడుతోంది. ఎందుకంటే ఆ జట్టు ప్రస్తుతం 5 పాయింట్లతో రెండో స్థానంలో ఉంది. రద్దయితే ఒక పాయింట్ ఖాతాలో చేరుతుంది. కానీ పాకిస్థాన్ కంటే ఆ జట్టు రన్ రేట్ తక్కువగా ఉంది. అదే సమయంలో భారత్.. జింబాబ్వేతో ఓడితే మాత్రం సౌతాఫ్రికాకు అవకాశం ఉంటుంది.
Continue with Google