IPL 2022: సన్‌రైజర్స్ హైదరాబాద్ కన్నేసిన నలుగు విదేశీ ఆటగాళ్లు వీరే!

డేవాన్ కాన్వే కోసం..

ఈ భారీ పర్స్ మనీతో సన్‌రైజర్స్ మంచి ఆటగాళ్లను కొనుగోలు చేయవచ్చు. అయితే గత కొన్ని సీజన్లుగా విదేశీ ఆటగాళ్లపై ఆధారపడ్డ సన్‌రైజర్స్ ఈసారి ఆ తప్పిదం చేయవద్దనుకుంటుంది. ఈ క్రమంలోనే నలుగురు ఖతర్నాక్ విదేశీ ఆటగాళ్లను టార్గెట్ చేసింది. ఓపెనింగ్ స్లాట్ కోసం మాజీ ప్లేయర్ జానీ బెయిర్ స్టోతో పాటు న్యూజిలాండ్ స్టార్ బ్యాట్స్‌మన్ డేవాన్ కాన్వేలను తీసుకోవాలనుకుంటుంది. ఈ ఇద్దరిలో ఒకరినైనా కొనుగోలు చేయాలని భావిస్తోంది. కెప్టెన్ కేన్ విలియమ్సన్ సూచనల మేరకు డేవాన్ కాన్వే కోసం సన్‌రైజర్స్ గట్టిగా ప్రయత్నించే అవకాశం ఉంది.

బ్యాకప్‌గా పూరన్

ఇక మిడిలార్డర్‌లో కేన్ మామ ఉన్న నేపథ్యంలో అతనికి బ్యాకప్‌గా, వికెట్ కీపర్‌గా నికోలస్ పూరన్‌ను తీసుకోవాలనుకుంటుంది. డేవాన్ కాన్వే, బెయిర్ స్టో వేలంలో చిక్కకపోతే పూరన్ వైపు చూడనుంది. భారత స్టార్లకే తొలి ప్రాధానత్య ఇవ్వనున్నప్పటికీ తక్కువ ధరలో లభించే ఖతర్నాక్ విదేశీ ఆటగాళ్లను తీసుకోవాలనుకుంటుంది. గత రెండు సీజన్లుగా పూరన్ దారుణంగా విఫలమైనా.. తనదైన రోజున అతన్ని ఆపడం ఎవరికైనా కష్టమే.

IPL 2022 Mega Auction: SRH Targets Suresh Raina For Solid Middle Order | Oneindia Telugu

జాసన్ హోల్డర్ కోసం..

ఆల్‌రౌండర్‌గా మాజీ ప్లేయర్ జాసన్ హోల్డర్‌పై కన్నేసిన ఆ జట్టు విండీస్‌కే చెందిన షేఫర్డ్ వంటి యువ పేస్ ఆల్‌రౌండర్లను కూడా తీసుకోవాలనుకుంటుంది. తొలి ప్రాధాన్యత మాత్రం హోల్డర్‌కే ఇవ్వనుంది. ఇక పేసర్లుగా ప్యాట్ కమిన్స్, ట్రెంట్ బౌల్ట్, కగిసో రబడాలను టార్గెట్ చేసింది. ఈ ముగ్గురిలో కనీసం ఒక్కరినైనా తీసుకోవాలనుకుంటుంది. గత సీజన్లలో దేశవాళీ పేసర్లతో మూల్యం చెల్లించుకున్న ఆ జట్టు ఈ సారైన టాప్ క్లాస్ బౌలర్‌ను ఎంచుకోవాలనుకుంటుంది.