పారా అథ్లెట్లకు స్పోర్ట్స్ జర్నలిస్ట్‌‌ల చేయూత

కేఎస్‌జీ జర్నలిస్ట్ టీ20 ప్రీమియర్ లీగ్(జీపీఎల్) టైటిల్‌ను టీవీ9 సొంతం చేసుకుంది. స్పోర్ట్స్ జర్నలిస్ట్ అసోసియేషన్ తెలంగాణ(ఎస్‌జాట్) ఆధ్వర్యంలో గత వారం రోజులుగా జరిగిన ఈ టోర్నీ శనివారం ముగిసింది. ఉప్పల్‌లోని రాజీవ్ గాంధీ అంతర్జాతీయ క్రికెట్ స్టేడియంలో జరిగిన ఫైనల్లో టీవీ9 జట్టు 12 పరుగుల తేడాతో ఎన్‌టీవీ రైజర్స్‌ను ఓడించి జేపీఎల్ సీజన్-1 ఛాంపియన్‌గా నిలిచింది.

ఈ టోర్నీలో అద్భుత ప్రదర్శన కనబర్చిన ఎన్టీవీ ప్లేయర్‌ కిరణ్‌ మ్యాన్‌ ఆఫ్‌ ద టోర్నీ అవార్డు అందుకున్నాడు. ఫైనల్లో అత్యుత్తమ ప్రదర్శనతో టీవీ9 విజయంలో కీలక పాత్ర పోషించిన జగదీష్‌కు ప్లేయర్ ఆఫ్ ది మ్యాచ్ అవార్డు లభించింది. ఈ ఫైనల్ మ్యాచ్‌‌కు హెచ్‌సీఏ అధ్యక్షుడు జగన్‌మోహన్‌రావు, ఉపాధ్యక్షుడు దల్జీత్‌ సింగ్‌, సహాయ కార్యదర్శి బసవరాజు, కౌన్సిలర్‌ సునిల్‌ అగర్వాల్‌ ముఖ్య అతిథులుగా హాజరై విజేతలకు ట్రోఫీలు అందజేశారు.

Sports Journalists Association Telangana supported Para athletes with finicial assistance

ఈ ఫైనల్ మ్యాచ్‌ అనంతరం స్పోర్ట్స్‌ జర్నలిస్టుల అసోసియేషన్‌ తెలంగాణ (ఎస్‌జాట్‌) తరఫున పది మంది దివ్యాంగ క్రీడాకారులకు నగదు ప్రోత్సాహక చెక్కులను అందజేశారు. ఈ సందర్భంగా జగన్‌మోహన్ రావు మాట్లాడుతూ.. విజేతగా నిలిచిన టీవీ9తో పాటు స్పోర్ట్స్ జర్నలిస్ట్ అసోసియేషన్ తెలంగాణను అభినందించారు. ప్రతీ ఏడాది ఈ టోర్నీ నిర్వహించాలని, ఆరంభ మ్యాచ్ జింఖానా, ఫైనల్ మ్యాచ్‌ ఉప్పల్‌లో నిర్వహించేలా సహకరిస్తానని తెలిపారు.

ఈ కార్యక్రమంలో టోర్నీ స్పాన్సర్స్ త్రుక్ష ఫుడ్స్‌ ఎండీ భరత్‌ రెడ్డి, కేఎస్‌జీ సీఈఓ సంజయ్‌, లైఫ్‌స్పాన్‌ స్పోర్ట్స్‌ హెడ్‌ భరణి, స్మయిల్‌గార్డ్‌ ఫౌండర్‌ శరత్‌, జూపర్‌ ఎల్‌ఈడీ సీఈఓ ఒరుసు రమేష్‌, మెడికవర్‌ తెలంగాణ హెడ్‌ అర్జున్‌ తదితరులు పాల్గొన్నారు.