పరిస్థితి బాగాలేదని నేను అంగీకరిస్తాను, విద్వేషం వ్యాప్తి చేయొద్దు: ఆర్టికల్ 370 రద్దుపై అక్తర్

పాక్ ప్రధాని రెచ్చగొట్టే ప్రసంగాలు

మాజీ క్రికెటర్‌, ప్రస్తుత ప్రధాని ఇమ్రాన్‌ఖాన్‌ అయితే ఆర్టికల్ 370 రద్దుపై కాస్త ఘాటు వ్యాఖ్యలే చేశారు. తన ప్రసంగాల్లో యుద్ధానికి ప్రేరేపించే వ్యాఖ్యలు చేశారు. రెచ్చగొట్టే ప్రసంగాలు సైతం చేస్తున్నారు. మరోవైపు ఆర్టికల్ 370 రద్దుపై భారత ప్రభుత్వం తీరుని తప్పుబడుతూ పాకిస్థాన్ మాజీ క్రికెటర్ షాహిద్ అఫ్రిది తన అక్కసుని ట్విట్టర్‌లో వెళ్లగక్కిన సంగతి తెలిసిందే.

కశ్మీర్‌లో మానవ హక్కుల ఉల్లంఘన

కశ్మీర్‌లో మానవ హక్కుల ఉల్లంఘన జరుగుతుందని... ఆర్టికల్ 370 రద్దు జరుగుతుంటే ఐక్యరాజ్యసమితి నిద్రపోతుందా? అంటూ ట్విట్టర్‌లో ప్రశ్నించాడు. "ఐక్యరాజ్య సమితి తీర్మానానికి అనుగుణంగా కశ్మీరీ పౌరులకు కనీస హక్కులు దక్కడం లేదు. స్వేచ్చ విషయంలో అందరికీ సమాన హక్కులు వర్తిస్తాయి. ఇంత జరుగుతుంటే ఐక్యరాజ్య సమితి ఎందుకు నిద్రపోతోంది. కశ్మీరీల హక్కుల ఉల్లంఘనపై ఎందుకు స్పందించట్లేదు. అసలు ఐక్యరాజ్య సమితిని ఎందుకు ఏర్పాటు చేశారు? కశ్మీర్‌లో మానవ హక్కుల ఉల్లంఘనను పరిగణలోకి తీసుకోవాలి. అమెరికా అధ్యక్షుడు డోనాల్డ్‌ ట్రంప్‌ ఈ వ్యవహారంలో జోక్యం చేసుకోవాలి" అంటూ అఫ్రిది తన ట్వీట్టర్‌లో పేర్కొన్నాడు.

రాణించిన రహానే, విహారి.. భారత్‌, వెస్టిండీస్‌ ప్రాక్టీస్‌ మ్యాచ్‌ డ్రా

అఫ్రిది ట్విట్టర్ వ్యాఖ్యలపై గంభీర్

అఫ్రిది ట్విట్టర్ వ్యాఖ్యలపై టీమిండియా మాజీ ఓపెనర్, బీజేపీ ఎంపీ గౌతమ్ గంభీర్ కాస్తంత ఘాటుగానే స్పందించాడు. "అఫ్రిది.. మానవ హక్కుల ఉల్లంఘన జరుగుతుంది వాస్తవమే. ఈ విషయాన్ని అంగీకరించిన నిన్ను అభినందించాల్సిందే. కానీ నువ్వు మరిచిపోయిన విషయం ఏంటంటే.. ఇవన్నీ పాకిస్తాన్‌ ఆక్రమిత కశ్మీర్‌(పీవోకే)లో జరుగుతున్నాయని ప్రస్తావించకపోవడం. ఏం బాధపడకు త్వరలో ఆ సమస్యను కూడా పరిష్కరిస్తాం" అంటూ గంభీర్ తనదైన శైలిలో అఫ్రిదికి సమాధానమిచ్చాడు.

ప్రస్తుత పాక్ కెప్టెన్ సర్ఫరాజ్ ఇలా!

ప్రస్తుత పాకిస్థాన్ కెప్టెన్ సర్ఫరాజ్ అహ్మద్ కూడా ఆర్టికల్ 370 రద్దుపై స్పందించాడు. ఇది కశ్మీరీ సోదరులకు కష్ట కాలంగా అభివర్ణించిన సర్పరాజ్‌... యావత్ దేశం మొత్తం కశ్మీర్ సోదరులకు మద్దతుగా ఉందని చెప్పాడు. కరాచీలో ఈద్ ఈద్‌ ప్రార్థనలో పాల్గొన్న అనంతరం మీడియాతో మాట్లాడిన సర్పరాజ్‌ అహ్మద్ ఆర్టికల్ 370 రద్దుపై మాట్లాడుతూ "ఈ ఆపద నుంచి గట్టెక్కించేందుకు కశ్మీరీలకు అల్లా సాయం చేయాలని ప్రార్థించాను. కశ్మీరీ సోదరులారా.. బాధను, కష్టాలను సమానంగా పంచుకుందాం. యావత్‌ పాకిస్థాన్ మీకు అండగా ఉంటుంది" అని సర్పరాజ్‌ అన్నాడు.