అప్పుడు కోహ్లీ విలువైన బహుమతి ఇచ్చాడు : సచిన్ టెండూల్కర్

ఎంతో మందికి స్పూర్తి నింపారని..

అలానే నాకూ ఈ దారాన్ని మా నాన్న ఇచ్చాడు. దాన్ని నేను ఎప్పుడూ నా బ్యాగ్‌లోనే పెట్టుకుంటాను. నా వద్ద ఉన్న అత్యంత విలువైనది ఇదేనని భావిస్తా. అందుకే దీన్ని మీకు ఇవ్వాలనుకుంటున్నా. ఇంతకుమించింది నాతో ఏదీ లేదు. మీరు నాతో పాటు ఎంతో మంది ఆటగాళ్లకు స్ఫూర్తిదాయకంగా నిలిచారు. ఆ విషయాన్ని మీకు తెలియజేసేందుకే ఈ దారం ఇవ్వాలనుకుంటున్నా' అని కోహ్లీ నాతో వివరించాడు'' అని సచిన్‌ గుర్తుచేసుకున్నాడు.

చివరి క్షణం వరకు..

'ఇక నేను ఆ దారాన్ని కొద్దిసేపు నాతో పెట్టుకొని తిరిగి కోహ్లీకే ఇచ్చాను. అదెంతో విలువైనదని.. దాన్ని అతని వద్దే పెట్టుకోమని, వేరే ఎవ్వరికీ ఇవ్వొద్దని చెప్పాను. అది మీ నాన్న ఇచ్చిన జ్ఞాపకం. నీ చివరి క్షణాల వరకూ నీతోనే ఉంచుకో' అని కోహ్లీతో చెప్పినట్లు సచిన్‌ వివరించాడు. అదొక భావోద్వేగభరితమైన సంఘటన అని.. తన జీవితంలో ఎప్పటికీ మర్చిపోలేని మధురానుభూతి అని సచిన్‌ చెప్పుకొచ్చాడు.

దొంగచాటున అర్జున్ ఆట‌ను చూస్తా..

తన కొడుకు అర్జున్ టెండూల్కర్ ఆటను దొంగచాటున చూస్తానని సచిన్ తెలిపాడు. ''అర్జున్ ఆట మీద దృష్టి పెట్టాలి. నేను క్రికెట్ ఆడే రోజుల్లో కూడా న‌న్ను ఎవరైనా చూసిన‌ నాకు నచ్చేది కాదు. నేను వెళ్లి అర్జున్ ఆటను చూసినా అత‌నికి తెలియకుండా ఎక్కడో దాక్కుంటాను. నేను ఉన్నానని అతనికి తెలియన‌వ్వ‌ను. అర్జున్‌కే కాదు ఎవరికీ తెలియనివ్వ‌ను. అర్జున్ కోచ్ అయినా, ఇంకేవ‌రైనా స‌రే వారి కంట‌ప‌డ‌ను. అలా అత‌నికి తెలియ‌కుండానే అత‌ని ఆట‌ను చూస్తాను "అని స‌చిన్ టెండూల్క‌ర్ చెప్పాడు.