IPL 2022 గిట్ల ఉంటుందని ఊహించలే.. వచ్చే సీజన్‌లో మేమేంటో చూపిస్తాం: రోహిత్ శర్మ

అస్సలు ఊహించలేదు..

'ఈ సీజన్‌ అస్సలు ఊహించని విధంగా సాగింది. అయితే ఇలాంటి పరిస్థితుల్లోనూ మేం చాలా విషయాలు నేర్చుకోగలిగాం. కొన్ని సానుకూలంశాలను గుర్తించాం. క్లిష్ట పరిస్థితుల్లో ఓ జట్టుగా కలిసి ఉండడం అనేది చాలా పెద్ద విషయం. అది ఈ సీజన్‌లో మేం తెలుసుకున్నాం. ఇప్పుడు మా ఫోకస్ అంతా వచ్చే సీజన్‌పైనే ఉంది. ఈ సీజన్ చివర్లో మంచి విజయాలు అందుకున్నాం. ఈ విజయాలు మా పరిస్థితిని మార్చలేకపోవచ్చు. కానీ మాకు ఎంతో ఆత్మవిశ్వాసాన్ని ఇచ్చాయి. మేం వచ్చే సీజన్‌లో మరింత బలంగా రావడానికి కావాల్సిన ఉత్సాహాన్నిచ్చాయి.

గన్ ప్లేయర్స్ కనుగొన్నాం..

టీమ్‌లో సమిష్టితత్వం నిండుగా ఉంది. ఏ జట్టుకైనా ఇది చాలా అవసరం. ఏ పరిస్థితుల్లోనూ ఓటమిని అంగీకరించడానికి జట్టు సిద్ధంగా లేదు. మేం ఓ కుటుంబంలా కలిసి ఉన్నాం. ట్రైయినింగ్‌లో మేం బెస్ట్ ఇచ్చాం. మా అందరి లక్ష్యం ఒక్కటే, దాని కోసం కలిసి పని చేస్తాం. ఈ సీజన్‌లో కొందరు గన్ ప్లేయర్లలో కనుగొన్నాం. వాళ్లు ఫ్యూచర్‌లో స్టార్లు అవుతారు. ఈ సీజన్‌లో వాళ్ల పర్పామెన్స్ చూసి చాలా గర్వంగా ఫీల్ అయ్యాం.

భవిష్యత్తుపై భరోసా..

ఇంత చిన్న వయసులోనే మెంటల్‌గా ఎంతో స్ట్రాంగ్‌గా ఉంటూ, పరుగులు చేయాలనే ఆకలిని తీర్చుకుంటున్నారు... ఈ సీజన్‌లో ముంబై ఆడిన వాళ్లలో చాలా మంది కొత్తవాళ్లే, మొట్టమొదటిసారి ఐపీఎల్ ఆడుతున్నవాళ్లే. అయితే వాళ్లకి కావాల్సిన స్వేచ్ఛ, సపోర్ట్ ఇచ్చాం. వాళ్ల పర్ఫామెన్స్ సంతృప్తినిచ్చింది. భవిష్యత్తు అద్భుతంగా ఉండబోతుందన్న భరోసా ఇచ్చింది.'అని రోహిత్ శర్మ చెప్పుకొచ్చాడు.