ధోనీ భయ్యా.. నాకొక ఎల్ సైజ్ ప్లీజ్!

భారత సైనికులకు

భారత సైనికులకు సంఘీభావంగా ఈ ప్రింట్‌ను ముద్రించినట్లు సీఎస్‌కే సీఈఓ కాశీ విశ్వనాథన్‌ వెల్లడించారు. సాయుధ దళాలకు సంబంధించి నిస్వార్థ పాత్ర గురించి అవగాహన పెంచడానికి ప్రయత్నించాలనుకున్నాం. చివరికి ఈ విధంగా సాధ్యమైంది. వారు నిజమైన హీరోలు" అని జెర్సీ ఆవిష్కరణ సందర్భంగా సీఎస్కే సీఈఓ విశ్వనాథన్ వెల్లడించాడు. 2010, 2011, 2018లలో మూడు సార్లు ధోనీ సారథ్యంలోని చెన్నై జట్టు ఐపీఎల్​ ట్రోఫీని అందుకుంది. ఇందుకు గుర్తుగా సీఎస్‌కే మూడు స్టార్లను జెర్సీపై ఉంచింది.

ఆర్మీపై ప్రేమ..

సీఎస్కే.. సాయుధ దళాలపై తమకున్న ప్రత్యేక ప్రేమను చాటుకుంది. 2019 ఐపీఎల్​కు ముందు కూడా రూ.2 కోట్ల చెక్కును సాయుధ బలగాలకు అందించింది. జెర్సీ భుజ భాగంలో ఆర్మీ గోల్డ్​ బ్యాండ్​ కనిపించేలా తయారు చేశారు. ఇది సీఎస్కే నిలకడకు, ఫెయిర్ ప్లేకు నిదర్శనమని చెన్నై భావిస్తోంది. మొత్తం 11 సీజన్లలో చెన్నై 5 సార్లు ఫెయిర్​ ప్లే అవార్డును కైవసం చేసుకుంది. జెర్సీ కావాల్సిన అభిమానులు తమ వెబ్​సైట్​ను సందర్శించాలని సీఎస్కే పేర్కొంది.

జడేజా ఫన్నీ కామెంట్..

అయితే ఈ కొత్త జెర్సీని ఆవిష్కరిస్తున్న వీడియోను సీఎస్‌కే ఇన్‌స్టా వేదికగా పంచుకోగా.. ఆ జట్టు స్టార్ ఆల్‌రౌండర్ రవీంద్ర జడేజా తనదైన శైలిలో కామెంట్ చేశాడు.ప్లీజ్ నాకొక ఎల్ సైజ్ ఇవ్వరా? అని కామెంట్ చేశాడు. దీనికి సీఎస్‌కే.. 'మీ కోసం ఇప్పటికే సిద్దం చేశాం సర్.. ముంబైలో ఇస్తాం. త్వరగా రండి'అని బదులిచ్చింది. ప్రస్తుతం ఈ కామెంట్ నెట్టింట హల్‌చల్ చేస్తోంది.

క్వారంటైన్‌లో రైనా..

స్టార్ బ్యాట్స్‌మన్ సురేశ్ రైనా ఈ సీజన్‌లో ఆడటంపై అనుమానాలు తొలిగిపోయాయి. లీగ్‌లో పాల్గొనేందుకు బుధవారం ముంబై చేరుకున్న రైనా క్వారంటైన్‌లో ఉన్నాడు. ప్రస్తుతం చెన్నై వేదికగా ట్రైనింగ్ చేస్తున్న సీఎస్‌కే ఈ శుక్రవారం ముంబై చేరుకుంటుంది. క్వారంటైన్ అనంతరం రైనా టీమ్‌తో కలవనున్నాడు. ఏప్రిల్ 10న ముంబై వేదికగా జరిగే మ్యాచ్‌లో సీఎస్‌కే.. ఢిల్లీతో తొలి మ్యాచ్ ఆడనుంది. అయితే.. గాయంతో విశ్రాంతిలో ఉన్న జడేజా ఈ సీజన్‌కు అందుబాటులో ఉంటాడా? లేదా అనే దానిపై స్పష్టత లేదు.